ഇ​സ്രാ​യേ​ൽ സൈ​ന്യ​ത്തെ പൂ​ർ​ണ​മാ​യി ല​ബ​നാ​നി​ൽ​നി​ന്ന് പി​ൻ​വ​ലി​ക്ക​ണം -മാ​ക്രോ​ൺ

ബൈ​റൂ​ത്: പ​ഴ​യ കോ​ള​നി​യാ​യ ല​ബ​നാ​ൻ സ​ന്ദ​ർ​ശി​ച്ച് ഫ്ര​ഞ്ച് പ്ര​സി​ഡ​ന്‍റ് ഇ​മ്മാ​നു​വ​ൽ മാ​ക്രോ​ൺ. ബൈ​റൂ​ത് അ​ന്താ​രാ​ഷ്‌​ട്ര വി​മാ​ന​ത്താ​വ​ള​ത്തി​ൽ താ​ൽ​ക്കാ​ലി​ക പ്ര​ധാ​ന​മ​ന്ത്രി ന​ജീ​ബ് മീ​കാ​തി അ​ദ്ദേ​ഹ​ത്തെ സ്വീ​ക​രി​ച്ചു. ല​ബ​നാ​ന്‍റെ പു​തി​യ പ്ര​സി​ഡ​ന്‍റ് ജോ​സ​ഫ് ഔ​നു​മാ​യി മാ​ക്രോ​ൺ കൂ​ടി​ക്കാ​ഴ്ച ന​ട​ത്തി. ഇ​സ്രാ​യേ​ൽ സൈ​ന്യ​ത്തെ പൂ​ർ​ണ​മാ​യി ല​ബ​നാ​നി​ൽ​നി​ന്ന് പി​ൻ​വ​ലി​ക്ക​ണ​മെ​ന്ന് മാ​ക്രോ​ൺ ആ​വ​ശ്യ​പ്പെ​ട്ടു. രാ​ജ്യ​ത്തി​ന്‍റെ തെ​ക്കു​ഭാ​ഗ​ത്ത് ല​ബ​നാ​ൻ സൈ​ന്യ​ത്തി​ന് വി​ന്യാ​സം ശ​ക്തി​പ്പെ​ടു​ത്താ​ൻ ഫ്രാ​ൻ​സി​ന്‍റെ പി​ന്തു​ണ​യു​ണ്ടാ​കു​മെ​ന്നും അ​ദ്ദേ​ഹം അ​റി​യി​ച്ചു.

നാ​ലു വ​ർ​ഷ​ത്തി​നി​ടെ ആ​ദ്യ​മാ​യാ​ണ് ഫ്ര​ഞ്ച് പ്ര​സി​ഡ​ന്‍റ് ല​ബ​നാ​നി​ലെ​ത്തു​ന്ന​ത്. ജ​നു​വ​രി ഒ​മ്പ​തി​ന് ജോ​സ​ഫ് ഔ​ൻ പ്ര​സി​ഡ​ന്‍റാ​യി തെ​ര​ഞ്ഞെ​ടു​ക്ക​പ്പെ​ട്ട ശേ​ഷം ല​ബ​നാ​നി​ലെ​ത്തു​ന്ന ആ​ദ്യ വി​ദേ​ശ രാ​ഷ്ട്ര​ത്ത​ല​വ​നാ​ണ് മാ​ക്രോ​ൺ. ഇ​സ്രാ​യേ​ലു​മാ​യു​ള്ള അ​തി​ർ​ത്തി​യി​ൽ യു.​എ​ൻ സ​മാ​ധാ​ന സേ​ന​യു​ടെ ഭാ​ഗ​മാ​യി വി​ന്യ​സി​ച്ച ഫ്ര​ഞ്ച് സൈ​നി​ക​രെ മാ​ക്രോ​ൺ സ​ന്ദ​ർ​ശി​ക്കു​മെ​ന്നാ​ണ് ക​രു​തു​ന്ന​ത്.

ഇ​സ്രാ​യേ​ൽ -ഹി​സ്ബു​ല്ല യു​ദ്ധ​ത്തി​ൽ 4000ത്തി​ലേ​റെ പേ​ർ കൊ​ല്ല​പ്പെ​ടു​ക​യും 16,000ത്തി​ലേ​റെ പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്തി​രു​ന്നു. ന​വം​ബ​ർ 27നാ​ണ് വെ​ടി​നി​ർ​ത്ത​ൽ പ്രാ​ബ​ല്യ​ത്തി​ൽ വ​ന്ന​ത്. യു.​എ​സി​ന്റെ​യും ഫ്രാ​ൻ​സി​ന്‍റെ​യും മ​ധ്യ​സ്ഥ​ത​യി​ലാ​യി​രു​ന്നു ഇ​ത്. 60 ദി​വ​സ​ത്തി​ന​കം തെ​ക്ക​ൻ ല​ബ​നാ​നി​ൽ​നി​ന്ന് ഇ​സ്രാ​യേ​ൽ സൈ​ന്യം പി​ന്മാ​റ​ണ​മെ​ന്നാ​ണ് ക​രാ​ർ. യു​​ദ്ധ​​ത്തി​​ൽ ത​​ക​​ർ​​ന്ന ല​​ബ​​നാ​​ന്റെ പു​ന​ർ​നി​ർ​മാ​ണ​ത്തി​ന് അ​ന്താ​രാ​ഷ്ട്ര സ​ഹാ​യം ല​ഭി​ക്കു​മെ​ന്ന പ്ര​തീ​ക്ഷ​യി​ലാ​ണ് രാ​ജ്യ​ത്തെ പു​തി​യ സ​ർ​ക്കാ​ർ.

ലബനാനിൽനിന്ന് ഇസ്രായേൽ പിന്മാറണം –യു.എൻ

ബൈ​റൂ​ത്: ല​ബ​നാ​നി​ൽ​നി​ന്ന് ഇ​സ്രാ​യേ​ൽ സൈ​ന്യം പി​ന്മാ​റ​ണ​മെ​ന്നും ആ​ക്ര​മ​ണം അ​വ​സാ​നി​പ്പി​ക്ക​ണ​മെ​ന്നും ഐ​ക്യ​രാ​ഷ്ട്ര​സ​ഭ സെ​ക്ര​ട്ട​റി ജ​ന​റ​ൽ അ​ന്റോ​ണി​യോ ഗു​ട്ടെ​റ​സ്. ല​ബ​നാ​നി​ൽ ഇ​സ്രാ​യേ​ൽ സൈ​ന്യം ന​ട​ത്തു​ന്ന ആ​ക്ര​മ​ണ​ങ്ങ​ൾ വെ​ടി​നി​ർ​ത്ത​ൽ ക​രാ​റി​ന്റെ ലം​ഘ​ന​മാ​ണെ​ന്നും അ​ദ്ദേ​ഹം വ്യ​ക്ത​മാ​ക്കി. ഇ​സ്രാ​യേ​ൽ അ​തി​ർ​ത്തി​യി​ലു​ള്ള തെ​ക്ക​ൻ ല​ബ​നാ​നി​ലെ യു.​എ​ൻ സ​മാ​ധാ​ന സേ​ന​യു​ടെ ആ​സ്ഥാ​നം സ​ന്ദ​ർ​ശി​ക്കു​ന്ന​തി​നി​ടെ​യാ​യി​രു​ന്നു ഗു​ട്ടെ​റ​സി​ന്റെ പ്ര​സ്താ​വ​ന. ഇ​സ്രാ​യേ​ൽ അ​തി​ർ​ത്തി​യി​ലെ ലി​താ​നി ന​ദി​യു​ടെ തെ​ക്കു​ഭാ​ഗ​ത്ത് സാ​ന്നി​ധ്യ​മു​ണ്ടാ​യി​രി​ക്കേ​ണ്ട ഒ​രേ​യൊ​രു വി​ഭാ​ഗം ല​ബ​നാ​ൻ സ​ർ​ക്കാ​ർ സേ​ന​യും യു.​എ​ൻ സ​മാ​ധാ​ന സേ​ന​യും മാ​ത്ര​മാ​ണ്. മ​റ്റ് ശ​ക്തി​ക​ളു​ടെ സാ​ന്നി​ധ്യം ല​ബ​നാ​ന്റെ സ്ഥി​ര​ത ദു​ർ​ബ​ല​പ്പെ​ടു​ത്തു​മെ​ന്നും ഹി​സ്ബു​ല്ല​യെ പ​രാ​മ​ർ​ശി​ക്കാ​തെ അ​ദ്ദേ​ഹം പ​റ​ഞ്ഞു. വെ​ടി​നി​ർ​ത്ത​ൽ ക​രാ​ർ നി​ല​വി​ൽ വ​ന്ന ശേ​ഷം ഹി​സ്ബു​ല്ല​യു​ടെ​യും മ​റ്റ് സം​ഘ​ട​ന​ക​ളു​ടെ​യു​മ​ട​ക്കം 100ലേ​റെ ആ​യു​ധ ശേ​ഖ​രം യു.​എ​ൻ സ​മാ​ധാ​ന സേ​ന ക​ണ്ടെ​ത്തി​യ​താ​യും ഗു​ട്ടെ​റ​സ് കൂ​ട്ടി​ച്ചേ​ർ​ത്തു.