'നിർത്തുമോ ഈ കൂട്ടക്കൊല'; ട്രംപിന് കത്തെഴുതി 600 ഇസ്രായേലി പ്രമുഖർ, പട്ടിണി മൂലം അഞ്ചു മരണം കൂടി

തെ​ൽ അ​വി​വ്: ഗ​സ്സ​യി​ൽ ഇ​സ്രാ​യേ​ൽ തു​ട​രു​ന്ന വം​ശ​ഹ​ത്യ അ​ടി​യ​ന്ത​ര​മാ​യി അ​വ​സാ​നി​പ്പി​ക്കാ​ൻ ഇ​ട​പെ​ട​ണ​മെ​ന്നാ​വ​ശ്യ​പ്പെ​ട്ട് യു.​എ​സ് പ്ര​സി​ഡ​ന്റ് ട്രം​പി​ന് മു​ൻ ര​ഹ​സ്യാ​ന്വേ​ഷ​ണ മേ​ധാ​വി​ക​ള​ട​ക്കം വി​ര​മി​ച്ച 600 മു​തി​ർ​ന്ന ഉ​ദ്യോ​ഗ​സ്ഥ​രു​ടെ ക​ത്ത്.

ഹ​മാ​സ് ഇ​സ്രാ​യേ​ലി​ന് ഭീ​ഷ​ണി​യ​ല്ലാ​ത്ത​വി​ധം ദു​ർ​ബ​ല​മാ​യി ക​ഴി​ഞ്ഞെ​ന്നും ഇ​സ്രാ​യേ​ലി​ക​ൾ​ക്ക് വി​ശ്വാ​സ​മു​ള്ള​യാ​ളെ​ന്ന നി​ല​ക്ക് യു​ദ്ധം നി​ർ​ത്തി ബ​ന്ദി​ക​ളു​ടെ മോ​ച​നം ഉ​റ​പ്പാ​ക്കാ​നും മ​ഹാ​ദു​രി​തം അ​വ​സാ​നി​പ്പി​ക്കാ​നും ഇ​ട​പെ​ട​ണ​മെ​ന്നാ​ണ് ആ​വ​ശ്യം. ഗ​സ്സ​യി​ൽ ബ​ന്ദി മോ​ച​ന​ത്തി​ന് സൈ​നി​ക നീ​ക്കം കൂ​ടു​ത​ൽ ശ​ക്ത​മാ​ക്കാ​ൻ നെ​ത​ന്യാ​ഹു ആ​ലോ​ചി​ക്കു​ന്നു​വെ​ന്ന റി​പ്പോ​ർ​ട്ടു​ക​ൾ​ക്കി​ടെ​യാ​ണ് ക​ത്ത്. ഗ​സ്സ ഒ​രി​ക്ക​ലും ഇ​സ്രാ​യേ​ലി​ന് ഭീ​ഷ​ണി​യാ​കു​ന്നി​ല്ലെ​ന്ന് ഉ​റ​പ്പു​വ​രു​ത്തും വ​രെ യു​ദ്ധം തു​ട​രു​മെ​ന്ന പ്ര​ഖ്യാ​പ​ന​വു​മാ​യി നെ​ത​ന്യാ​ഹു അ​ടി​യ​ന്ത​ര മ​ന്ത്രി​സ​ഭ യോ​ഗം വി​ളി​ച്ചി​രു​ന്നു.

മു​ൻ മൊ​സാ​ദ് ത​ല​വ​ൻ താ​മി​ർ പാ​ർ​ഡോ, ഷി​ൻ ബെ​ത് മേ​ധാ​വി ആ​മി അ​ലാ​ലോ​ൺ, മു​ൻ പ്ര​ധാ​ന​മ​ന്ത്രി ഇ​ഹു​ദ് ബാ​ര​ക്, മു​ൻ പ്ര​തി​രോ​ധ​മ​ന്ത്രി മോ​ഷെ യാ​ലോ​ൺ തു​ട​ങ്ങി​യ​വ​ർ ഒ​പ്പു​വെ​ച്ച​വ​രി​ൽ പെ​ടും. ആ​ഭ്യ​ന്ത​ര ര​ഹ​സ്യാ​ന്വേ​ഷ​ണ വി​ഭാ​ഗ​മാ​യ ഷി​ൻ ബെ​ത് മു​ൻ മേ​ധാ​വി​ക​ളാ​യ ന​ദാ​വ് അ​ർ​ഗാ​മാ​ൻ, യോ​റാം കൊ​ഹെ​ൻ, യാ​കോ​വ് പെ​രി, കാ​ർ​മി ഗി​ലോ​ൺ, മൂ​ന്ന് മു​ൻ സൈ​നി​ക മേ​ധാ​വി​ക​ൾ എ​ന്നി​വ​രും ഇ​വ​രി​ലു​ണ്ട്. ഹ​മാ​സ് പി​ടി​യി​ലു​ള്ള ഇ​സ്രാ​യേ​ൽ ബ​ന്ദി​ക​ളു​ടെ സ്ഥി​തി​യും ക​ത്തി​ൽ പ്ര​ത്യേ​കം പ​രാ​മ​ർ​ശി​ക്കു​ന്നു​ണ്ട്. ഭ​ക്ഷ​ണം കി​ട്ടാ​തെ മെ​ലി​ഞ്ഞൊ​ട്ടി​യ ബ​ന്ദി​ക​ളു​ടെ വി​​ഡി​യോ ക​ഴി​ഞ്ഞ ദി​വ​സം ഹ​മാ​സ് പു​റ​ത്തു​വി​ട്ടി​രു​ന്നു. 50 ബ​ന്ദി​ക​ളാ​ണ് നി​ല​വി​ൽ ഹ​മാ​സ് നി​യ​ന്ത്ര​ണ​ത്തി​ലു​ള്ള​ത്. ഇ​വ​രി​ൽ എ​ത്ര​പേ​ർ ജീ​വ​നോ​ടെ​യു​ണ്ടെ​ന്ന് വ്യ​ക്ത​മ​ല്ല.

ആ​ഗോ​ള സ​മ്മ​ർ​ദം ശ​ക്ത​മാ​യി​ട്ടും യു.​എ​സ് പ്ര​സി​ഡ​ന്റ് ഡോ​ണ​ൾ​ഡ് ട്രം​പ് ന​ൽ​കു​ന്ന പി​ന്തു​ണ​യാ​ണ് നെ​ത​ന്യാ​ഹു​വി​ന് കൂ​ടു​ത​ൽ ആ​ക്ര​മ​ണ​ങ്ങ​ൾ​ക്ക് പ്രോ​ത്സാ​ഹ​ന​മാ​കു​ന്ന​ത്. ശ​രാ​ശ​രി 600 ട്ര​ക്ക് ഭ​ക്ഷ​ണം ആ​വ​ശ്യ​മാ​യ ഗ​സ്സ​യി​ൽ ചു​രു​ക്കം വാ​ഹ​ന​ങ്ങ​ളാ​ണ് ദി​വ​സ​വും അ​നു​വ​ദി​ക്കു​ന്ന​ത്. ഇ​ത് വാ​ങ്ങാ​നെ​ത്തു​ന്ന​വ​ർ​ക്കു നേ​രെ വെ​ടി​വെ​പ്പും തു​ട​ർ​ക്ക​ഥ​യാ​ണ്. ആ​യി​ര​ത്തി​ലേ​റെ പേ​രാ​ണ് ഇ​ങ്ങ​നെ ഭ​ക്ഷ​ണം കാ​ത്തു​നി​ൽ​ക്കെ ഇ​സ്രാ​യേ​ൽ സേ​ന കൊ​ല​പ്പെ​ടു​ത്തി​യ​ത്.

അ​തേ​സ​മ​യം, പ​ട്ടി​ണി രൂ​ക്ഷ​മാ​യ ഗ​സ്സ​യി​ൽ അ​ഞ്ചു​പേ​ർ കൂ​ടി ഇ​ന്ന​ലെ മ​ര​ണ​ത്തി​ന് കീ​ഴ​ട​ങ്ങി. ഇ​തോ​ടെ മ​ര​ണ​പ്പെ​ട്ട​വ​ർ 93 കു​ട്ടി​ക​ള​ട​ക്കം 180 ആ​യി. ക​ഴി​ഞ്ഞ ദി​വ​സം വ്യോ​മ​മാ​ർ​ഗം താ​ഴേ​ക്കി​ട്ട ഭ​ക്ഷ​ണ​ക്കിറ്റ് തമ്പിനു മുകളിൽ വീ​ണ് യു​വാ​വ് മ​രി​ച്ചി​രു​ന്നു. 60,000ലേ​റെ പേ​ർ കൊ​ല്ല​പ്പെ​ട്ട ഗ​സ്സ​യി​ൽ ഓ​രോ നാ​ളി​ലും നി​ര​വ​ധി പേ​രെ​യാ​ണ് ഇ​സ്രാ​യേ​ൽ സേ​ന വെ​ടി​വെ​ച്ചും ബോം​ബി​ട്ടും വ​ധി​ക്കു​ന്ന​ത്.

ഞാ​യ​റാ​ഴ്ച ഗ​സ്സ​യി​ലെ ഖാ​ൻ യൂ​നു​സി​ൽ നാ​സ​ർ ആ​ശു​പ​ത്രി​യി​ൽ മാ​ത്രം എ​ത്തി​യ​ത് 38 മൃ​ത​ദേ​ഹ​ങ്ങ​ളാ​ണ്. ഇവരടക്കം 56 പേരാണ് തിങ്കളാഴ്ച കൊല്ലപ്പെട്ടത്. ഭ​ക്ഷ​ണം നി​ഷേ​ധി​ക്കു​ന്ന​തു​മൂ​ലം പ​ട്ടി​ണി കി​ട​ന്ന് മ​രി​ക്കു​ന്ന​വ​രു​ടെ എ​ണ്ണ​വും വ​ർ​ധി​ച്ചു​വ​രി​ക​യാ​ണ്.

അ​തി​നി​ടെ, ഇ​സ്രാ​യേ​ലി ബ​ന്ദി​ക​ൾ​ക്ക് റെ​​ഡ്ക്രോ​സ് വ​ഴി ഭ​ക്ഷ​ണ​വി​ത​ര​ണം അ​നു​വ​ദി​ക്കാ​മെ​ന്നും പ​ക​രം ഫ​ല​സ്തീ​നി​ക​ൾ​ക്ക് അ​തി​ർ​ത്തി തു​റ​ന്നു​കൊ​ടു​ക്ക​ണ​മെ​ന്നും ഹ​മാ​സ് അ​റി​യി​ച്ചു. 22,000 സ​ഹാ​യ​ട്ര​ക്കു​ക​ളാ​ണ് ഗ​സ്സ​ക്ക് പു​റ​ത്ത് അ​നു​മ​തി കാ​ത്ത് ക​ഴി​യു​ന്ന​ത്. ശ​രാ​ശ​രി 84 ട്ര​ക്കു​ക​ളാ​ണ് ഒ​രു​ദി​നം അ​തി​ർ​ത്തി ക​ട​ക്കു​ന്ന​ത്. ഗ​സ്സ​യി​ൽ കൊ​ടും​പ​ട്ടി​ണി​യാ​ണെ​ന്ന് യു.​എ​ൻ മു​ന്ന​റി​യി​പ്പ് ന​ൽ​കു​ന്നു.