ഇറാന്റെ മണ്ണിൽ ഡ്രോൺ താവളം ഒരുക്കി മൊസാദ്; 200ലേറെ സൈനിക വിമാനങ്ങൾ ചേർന്ന് 330ലേറെ ബോംബുകൾ വർഷിച്ചു

തെ​ൽ അ​വീ​വ്: ഇ​റാ​ന്റെ സൈ​നി​ക ശ​ക്തി​യു​ടെ മു​ന​യൊ​ടി​ച്ച ആ​ക്ര​മ​ണ​ത്തി​ന് പി​ന്നി​​ൽ ഇ​സ്രാ​യേ​ലി​ന്റെ വ​ർ​ഷ​ങ്ങ​ൾ നീ​ണ്ട ആ​സൂ​ത്ര​ണ​വും ര​ഹ​സ്യ നീ​ക്ക​ങ്ങ​ളും. ആ​യു​ധ​ങ്ങ​ളും ക​മാ​ൻ​ഡോ​ക​ളെ​യും ഇ​റാ​ന്റെ ഹൃ​ദ​യ​ഭാ​ഗ​ത്ത് എ​ത്തി​ച്ച് ഡ്രോ​ൺ താ​വ​ളം​ത​ന്നെ ഒ​രു​ക്കി​യാ​യി​രു​ന്നു ഇ​സ്രാ​യേ​ലി​ന്റെ ആ​ക്ര​മ​ണം.

‘ഉ​ണ​രു​ന്ന സിം​ഹം’ എ​ന്ന് പേ​രി​ട്ട സൈ​നി​ക ഓ​പ​റേ​ഷ​​നി​ൽ 200ലേ​റെ സൈ​നി​ക വി​മാ​ന​ങ്ങ​ൾ ചേ​ർ​ന്ന് 330ലേ​റെ ബോം​ബു​ക​ൾ വ​ർ​ഷി​ച്ചു. നൂ​റോ​ളം കേ​ന്ദ്ര​ങ്ങ​ളെ ല​ക്ഷ്യ​മി​ട്ടാ​യി​രു​ന്നു നീ​ക്കം. ഇ​സ്രാ​യേ​ൽ സേ​ന ഉ​ദ്യോ​ഗ​സ്ഥ​നാ​ണ് ര​ഹ​സ്യ നീ​ക്ക​ങ്ങ​ളെ​ക്കു​റി​ച്ച് ടൈം​സ് ഓ​ഫ് ഇ​സ്രാ​യേ​ലി​നോ​ട് വെ​ളി​പ്പെ​ടു​ത്തി​യ​ത്.

ഇ​സ്രാ​യേ​ൽ പ്ര​തി​രോ​ധ സേ​ന​ക​ളും ര​ഹ​സ്യാ​ന്വേ​ഷ​ണ ഏ​ജ​ൻ​സി​യാ​യ മൊ​സാ​ദും ചേ​ർ​ന്നാ​ണ് നീ​ക്ക​ങ്ങ​ൾ ആ​സൂ​ത്ര​ണം ചെ​യ്ത​ത്. ത​ല​സ്ഥാ​ന​മാ​യ തെ​ഹ്റാ​ന്റെ തൊ​ട്ട​ടു​ത്താ​ണ് ഡ്രോ​ൺ ബേ​സ് സ്ഥാ​പി​ച്ച​ത്. രാ​ത്രി ഡ്രോ​ണു​ക​ൾ പ​റ​ത്തി ഇ​റാ​ന്റെ മി​സൈ​ൽ വി​ക്ഷേ​പ​ണ സൗ​ക​ര്യ​ങ്ങ​ൾ​ക്ക് നേ​രെ​യാ​യി​രു​ന്നു ആ​ദ്യ പ്ര​ഹ​രം.

ഇ​സ്രാ​യേ​ലി​നെ​തി​രെ ഇ​റാ​ൻ സ​ജ്ജ​മാ​ക്കി​യി​രു​ന്ന പ്ര​ധാ​ന ആ​യു​ധ​മാ​യി​രു​ന്നു ഉ​പ​രി​ത​ല​ത്തി​ൽ​നി​ന്ന് ഉ​പ​രി​ത​ല​ത്തി​ലേ​ക്കു​ള്ള മി​സൈ​ലു​ക​ൾ. ആ​യു​ധ സം​വി​ധാ​ന​ങ്ങ​ൾ വ​ഹി​ക്കു​ന്ന വാ​ഹ​ന​ങ്ങ​ൾ ഇ​റാ​ന്റെ മ​ണ്ണി​ലേ​ക്ക് എ​ത്തി​ക്കാ​ൻ ക​ഴി​ഞ്ഞ​താ​ണ് ഇ​സ്രാ​യേ​ലി​നെ ഏ​റ്റ​വും സ​ഹാ​യി​ച്ച​ത്. ഈ ​സം​വി​ധാ​ന​ങ്ങ​ൾ ഇ​റാ​ന്റെ വ്യോ​മ പ്ര​തി​രോ​ധ സം​വി​ധാ​ന​ങ്ങ​ളെ മ​റി​ക​ട​ന്ന് ഇ​സ്രാ​യേ​ലി യു​ദ്ധ വി​മാ​ന​ങ്ങ​ൾ​ക്ക് മേ​ധാ​വി​ത്വ​വും പ്ര​വ​ർ​ത്ത​ന സ്വാ​ത​ന്ത്ര്യ​വും ന​ൽ​കി​യെ​ന്നാ​ണ് വി​ല​യി​രു​ത്ത​പ്പെ​ടു​ന്ന​ത്.

മ​ധ്യ ഇ​റാ​നി​ലെ വി​മാ​ന​വേ​ധ കേ​ന്ദ്ര​ങ്ങ​ൾ​ക്ക് സ​മീ​പം മൊ​സാ​ദ് ക​മാ​ൻ​ഡോ​ക​ൾ കൃ​ത്യ​ത​യു​ള്ള മി​സൈ​ലു​ക​ൾ വി​ന്യ​സി​ച്ച​താ​ണ് മൂ​ന്നാ​മ​ത്തെ ര​ഹ​സ്യ നീ​ക്കം. ഇ​റാ​ന്റെ ചാ​ര​ക്ക​ണ്ണു​ക​ൾ വെ​ട്ടി​ച്ച് ഹൃ​ദ​യ​ഭാ​ഗ​ത്ത് നൂ​ത​ന സാ​ങ്കേ​തി​ക​വി​ദ്യ​ക​ൾ ഉ​പ​യോ​ഗി​ച്ചും കൃ​ത്യ​മാ​യ ആ​സൂ​ത്ര​ണ പാ​ട​വ​ത്തോ​ടെ​യും ന​ട​ത്തി​യ നീ​ക്ക​ങ്ങ​ളു​ടെ അ​പൂ​ർ​വ ദൃ​ശ്യ​ങ്ങ​ൾ മൊ​സാ​ദ് പു​റ​ത്തു​വി​ട്ടി​ട്ടു​ണ്ട്. ഇ​സ്രാ​യേ​ലി​ന്റെ നീ​ക്ക​ങ്ങ​ളെ​ക്കു​റി​ച്ച് യു.​എ​സ് ഭ​ര​ണ​കൂ​ട​ത്തി​ന് ഒ​രാ​ഴ്ച മു​മ്പ് വി​വ​രം ല​ഭി​ച്ചി​രു​ന്നു. ആ​ക്ര​മ​ണ പ​ദ്ധ​തി സം​ബ​ന്ധി​ച്ച് ഇ​രു രാ​ജ്യ​ങ്ങ​ളും പ​ര​സ്പ​രം കൂ​ടി​​യാ​ലോ​ചി​ച്ചി​രു​ന്ന​താ​യി ര​ഹ​സ്യ വൃ​ത്ത​ങ്ങ​ൾ വെ​ളി​പ്പെ​ടു​ത്തി. ഇ​റാ​ൻ തി​രി​ച്ച​ടി​ച്ചാ​ൽ ചി​ല മി​സൈ​ലു​ക​ൾ ഇ​സ്രാ​യേ​ലി​ൽ പ​തി​ക്കു​മെ​ന്നാ​ണ് സൈ​ന്യം ക​ണ​ക്കു​കൂ​ട്ടു​ന്ന​ത്.