ഫ​ല​സ്തീ​ൻ അ​നു​കൂ​ല പ്ര​തി​ഷേ​ധം ന​യി​ച്ച മഹ്മൂദ് ഖലീലിനെതിരെ തെളിവില്ല; കോടതിക്ക് നൽകിയത് മെമ്മോ

ന്യൂ​യോ​ർ​ക്: കൊ​ളം​ബി​യ യൂ​നി​വേ​ഴ്സി​റ്റി​യി​ൽ ഫ​ല​സ്തീ​ൻ അ​നു​കൂ​ല പ്ര​തി​ഷേ​ധം ന​യി​ച്ച മ​ഹ്മൂ​ദ് ഖ​ലീ​ലി​നെ നാ​ടു​ക​ട​ത്താ​നു​ള്ള നീ​ക്ക​ത്തി​ൽ തെ​ളി​വു​ക​ൾ​ക്ക് പ​ക​രം ട്രം​പ് ഭ​ര​ണ​കൂ​ടം കോ​ട​തി​യി​ൽ സ​മ​ർ​പ്പി​ച്ച​ത് ​മെ​മ്മോ. സ​മ​യ​പ​രി​ധി അ​വ​സാ​നി​ക്കാ​ൻ ഒ​രു ദി​വ​സം മാ​ത്രം ബാ​ക്കി​നി​ൽ​ക്കെ​യാ​ണ് ബു​ധ​നാ​ഴ്ച എ​മി​ഗ്രേ​ഷ​ൻ വ​കു​പ്പ് സ്റ്റേ​റ്റ് സെ​ക്ര​ട്ട​റി മാ​ർ​ക്കോ റൂ​ബി​യോ ഒ​പ്പി​ട്ട ര​ണ്ട് പേ​ജു​ള്ള മെ​മ്മോ സ​മ​ർ​പ്പി​ച്ച​ത്. വെ​ള്ളി​യാ​ഴ്ച കേ​സി​ൽ വാ​ദം കേ​ൾ​ക്കു​ന്ന​തി​നു മു​മ്പ് ഭ​ര​ണ​കൂ​ടം തെ​ളി​വ് കൈ​മാ​റ​ണ​മെ​ന്നാ​യി​രു​ന്നു ഫെ​ഡ​റ​ൽ ജ​ഡ്ജി ജ​മീ കോ​മാ​ൻ​സി​ന്റെ ഉ​ത്ത​ര​വ്.

ഖ​ലീ​ൽ നി​യ​മ​പ​ര​മാ​യി സ്ഥി​ര​മാ​യി യു.​എ​സി​ൽ താ​മ​സി​ക്കു​ന്ന ബി​രു​ദ വി​ദ്യാ​ർ​ഥി​യും ക​ഴി​ഞ്ഞ വ​ർ​ഷം ഗ​സ്സ യു​ദ്ധ​ത്തി​നെ​തി​രെ ന​ട​ന്ന പ്ര​ക​ട​ന​ങ്ങ​ളി​ൽ കാ​മ്പ​സ് ആ​ക്ടി​വി​സ്റ്റു​ക​ളു​ടെ വ​ക്താ​വാ​യി സേ​വ​ന​മ​നു​ഷ്ഠി​ച്ച വ്യ​ക്തി​യു​മാ​ണെ​ന്നാ​ണ് ഈ ​മെ​മ്മോ​യി​ൽ പ​റ​യു​ന്ന​തെ​ന്ന് അ​സോ​സി​യേ​റ്റ​ഡ് പ്ര​സ് റി​പ്പോ​ർ​ട്ട് ചെ​യ്തു.

ഖ​ലീ​ലി​ന്റെ പ്ര​വ​ർ​ത്ത​ന​ങ്ങ​ൾ നി​യ​മാ​നു​സൃ​ത​മാ​ണെ​ങ്കി​ലും അ​ദ്ദേ​ഹ​ത്തെ രാ​ജ്യ​ത്ത് തു​ട​രാ​ൻ അ​നു​വ​ദി​ക്കു​ന്ന​ത് ജൂ​ത വി​രു​ദ്ധ​ത ചെ​റു​ക്കാ​നു​ള്ള യു.​എ​സ് ന​യ​ത്തെ ദു​ർ​ബ​ല​പ്പെ​ടു​ത്തു​മെ​ന്നും മെ​മ്മോ​യി​ൽ റൂ​ബി​യോ ആ​വ​ശ്യ​പ്പെ​ടു​ന്നു​ണ്ട്.