മെഡിറ്ററേനിയനിലെ എണ്ണ ഖനനം: ഗ്രീസ്​ ക്ഷമ പരീക്ഷിക്കരുതെന്ന്​ തുർക്കി

അങ്കാറ: മെഡിറ്ററേനിയൻ കടലിലെ കിഴക്കൻ തീരത്തെ എണ്ണ പര്യവേക്ഷണ വിഷയത്തിൽ ഗ്രീസ്​ തുർക്കിയുടെ ധൈര്യവും ക്ഷമയും പരീക്ഷിക്കരുതെന്ന്​ പ്രസിഡൻറ്​ റജബ്​ ത്വയ്യിബ്​ ഉർദുഗാൻ.

ഒരു രാജ്യത്തി​െൻറയും പരമാധികാരത്തിലും ഭൂപ്രദേശത്തിലും താൽപര്യങ്ങളിലും ഇടപെടാറില്ലെന്നും ഞങ്ങളുടെ കാര്യത്തിൽ ഇടപെട്ടാൽ രാഷ്​ട്രീയമായും സൈനികമായും സാമ്പത്തികമായും മറുപടിയുണ്ടാകുമെന്നും ഉർദുഗാൻ പറഞ്ഞു. മെഡിറ്ററേനിയൻ, ഈജിയൻ, കരിങ്കടൽ എന്നിവിടങ്ങളിലെ തുർക്കിയുടെ അവകാശം സംരക്ഷിക്കുമെന്നും അദ്ദേഹം വ്യക്തമാക്കി.

നാറ്റോ സഖ്യകക്ഷികളായ രണ്ട്​ രാജ്യങ്ങളും തമ്മിൽ ആഴ്​ചകളായി നിലനിൽക്കുന്ന പ്രശ്​നം പരിഹരിക്കാനുള്ള ശ്രമം തുടരുന്നതിനിടെയാണ്​ കടുത്ത നിലപാടുമായി തുർക്കി രംഗത്തെത്തിയത്​.

അങ്കാറക്കും ആതൻസിനും ഇടയിൽ തുടർച്ചയായി സഞ്ചരിച്ച്​ പ്രശ്​നം പരിഹരിക്കാനുള്ള ജർമൻ വിദേശകാര്യ മന്ത്രി ഹെയ്​​േകാ മാസി​െൻറ ശ്രമങ്ങൾ തുടരുന്നതിനിടെയാണ്​ ഉർദുഗാ​െൻറ പ്രസ്​താവന. രണ്ട്​ രാജ്യങ്ങളിലെയും വിദേശകാര്യ മന്ത്രിമാർ ചർച്ചക്ക്​ സമ്മതവും അറിയിച്ചിരുന്നു.

കിഴക്കൻ മെഡി​റ്റ​േറനിയനിൽ യുദ്ധക്കപ്പലുകളുടെ അകമ്പടിയോടെ തുർക്കി കപ്പൽ ഒറുക്​ റീസ്​ എണ്ണ-വാതക പര്യവേക്ഷണം ആരംഭിച്ചിരുന്നു. തങ്ങളുടെ അധീനതയിലുള്ള പ്രദേശത്താണ്​ തുർക്കിയുടെ പര്യ​േവക്ഷണമെന്ന്​ പറഞ്ഞ്​ ഗ്രീസും പ്രദേശ​േത്തക്ക്​ യുദ്ധക്കപ്പലുകൾ അയച്ചു. ഗ്രീസിന്​ പിന്തുണയുമായി ഫ്രാൻസും എത്തി. ഗ്രീസി​െൻറ അധീനതയിലുള്ള ചെറിയ ദ്വീപുകൾ ചൂണ്ടിക്കാട്ടി കിഴക്കൻ മെഡിറ്ററേനിയനിലെ സമ്പത്തിൽ ആതൻസ്​ കണ്ണുവെക്കുകയാണെന്നാണ്​ തുർക്കിയുടെ വാദം.