ആദ്യകാല പത്രം വീനർ സെയ്തുങ് അച്ചടി നിർത്തുന്നു

വിയന്ന: ലോകത്തിലെ ഏറ്റവും പഴക്കം ചെന്ന പത്രങ്ങളിലൊന്നായ ഓസ്ട്രിയയിലെ വീനർ സെയ്തുങ് അച്ചടി നിർത്തി ജൂലൈ ഒന്നുമുതൽ ഓൺലൈനിലേക്ക് മാറും. 1703ൽ വിന്നെറിഷസ് ഡയറിയം എന്ന പേരിൽ ആരംഭിച്ച സ്ഥാപനം 1780ലാണ് പേര് മാറ്റിയത്. 1857ൽ ഓസ്ട്രിയയിലെ ചക്രവർത്തി ഫ്രാൻസ് ജോസഫ് ഒന്നാമൻ ദേശസാൽകരിച്ചു.

ധനലഭ്യതക്ക് അനുസരിച്ച് പ്രതിവർഷം പത്ത് അച്ചടി പ്രസിദ്ധീകരണങ്ങൾ നിലനിർത്തും. 200ലധികം ജീവനക്കാരിൽ പകുതിയോളം പേർക്ക് തൊഴിൽ നഷ്ടമാകുമെന്ന് ആശങ്കയുണ്ടെന്ന് ട്രേഡ് യൂനിയൻ അറിയിച്ചു.