കൂ​ട്ടക്കൊലക്ക് ഒരുക്കം

ഗ​സ്സ സി​റ്റി/​ജ​റൂ​സ​ലം: വ​ട​ക്ക​ൻ ഗ​സ്സ​യി​ലെ 11 ല​ക്ഷം ജ​ന​ങ്ങ​ളോ​ട് 24 മ​ണി​ക്കൂ​റി​ന​കം ഒ​ഴി​ഞ്ഞു​പോ​ക​ണ​​മെ​ന്ന ഇ​സ്രാ​യേ​ലി​ന്റെ മ​നു​ഷ്യ​ത്വ​വി​രു​ദ്ധ അ​ന്ത്യ​ശാ​സ​ന​ത്തി​നെ​തി​രെ ഐ​ക്യ​രാ​ഷ്ട്ര​സ​ഭ​യും അ​റ​ബ് രാ​ഷ്ട്ര​ങ്ങ​ളും. മു​ന്ന​റി​യി​പ്പി​നെ തു​ട​ർ​ന്ന് വ​ട​ക്ക​ൻ ഗ​സ്സ​യി​ൽ​നി​ന്ന് ആ​യി​ര​ങ്ങ​ൾ വാ​ഹ​ന​ങ്ങ​ളി​ലും ന​ട​ന്നും തെ​ക്ക​ൻ മേ​ഖ​ല​യി​ലേ​ക്ക് നീ​ങ്ങു​ന്ന​താ​യി അ​ൽ​ജ​സീ​റ റി​പ്പോ​ർ​ട്ട് ചെ​യ്തു. ഐ​ക്യ​രാ​ഷ്ട്ര സ​ഭ​യു​ടെ വാ​ഹ​ന​ങ്ങ​ളി​ൽ ആ​ളു​ക​ൾ നീ​ങ്ങു​ക​യാ​ണെ​ന്നും വ​ഴി​യി​ൽ ബോം​ബി​ങ് ന​ട​ക്കു​ന്നു​വെ​ന്നും റി​പ്പോ​ർ​ട്ടു​ണ്ട്.

അ​തി​ഭ​യാ​ന​ക മാ​നു​ഷി​ക പ്ര​ത്യാ​ഘാ​ത​മു​ണ്ടാ​ക്കു​ന്ന ഉ​ത്ത​ര​വ് പി​ൻ​വ​ലി​ക്ക​ണ​മെ​ന്ന് ഐ​ക്യ​രാ​ഷ്ട്ര​സ​ഭ ഇ​സ്രാ​യേ​ലി​നോ​ട് ആ​വ​ശ്യ​പ്പെ​ട്ടു. നി​ര​വ​ധി അ​റ​ബ് രാ​ജ്യ​ങ്ങ​ളും ഉ​ത്ത​ര​വി​നെ​തി​​രെ മു​ന്ന​റി​യി​പ്പ് ന​ൽ​കി. അ​തേ​സ​മ​യം, ഇ​സ്രാ​യേ​ൽ സേ​ന ഉ​ത്ത​ര​വ് പി​ൻ​വ​ലി​ച്ചി​ട്ടി​ല്ല. ഗ​സ്സ നി​വാ​സി​ക​ൾ സ്വ​ന്തം മ​ണ്ണ് വി​ട്ട് എ​ങ്ങോ​ട്ടും പോ​കി​ല്ലെ​ന്നാ​ണ് ഹ​മാ​സ് ഇ​തി​​നോ​ട് പ്ര​തി​ക​രി​ച്ച​ത്. ‘‘ഞ​ങ്ങ​ൾ​ക്ക് ര​ണ്ടു വ​ഴി​ക​ളാ​ണു​ള്ള​ത്. അ​ധി​നി​വേ​ശ​ക​രെ തോ​ൽ​പി​ക്കു​ക, അ​ല്ലെ​ങ്കി​ൽ പി​റ​ന്ന മ​ണ്ണി​ൽ മ​രി​ച്ചു​വീ​ഴു​ക’’ -ഹ​മാ​സി​ന്റെ രാ​ഷ്ട്രീ​യ-​അ​ന്താ​രാ​ഷ്ട്ര കാ​ര്യ ത​ല​വ​ൻ ബാ​സിം ന​ഈം പ്ര​സ്താ​വി​ച്ചു. ഒ​ഴി​ഞ്ഞു​പോ​ക​ണ​മെ​ന്ന മു​ന്ന​റി​യി​പ്പ് മ​ന​ശ്ശാ​സ്ത്ര​യു​ദ്ധ​മാ​ണെ​ന്നും ഇ​തി​ൽ വീ​ഴ​രു​തെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. അതേസമയം, വെ​ള്ളി​യാ​ഴ്ച​യും ആ​ക്ര​മ​ണം തു​ട​ർ​ന്ന ഗ​സ്സ​യി​ൽ മ​ര​ണ​സം​ഖ്യ 1,800 ക​വി​ഞ്ഞു. 6,388 പേ​ർ​ക്ക് പ​രി​ക്കേ​റ്റു. വെ​സ്റ്റ് ബാ​ങ്കി​ൽ 44 പേ​രും കൊ​ല്ല​പ്പെ​ട്ടു. ഇ​സ്രാ​യേ​ലി​ൽ മ​ര​ണ​സം​ഖ്യ 1300 ക​വി​ഞ്ഞു. 3400 പേ​ർ​ക്ക് പ​രി​ക്കു​ണ്ട്. ല​ബ​നാ​ൻ അ​തി​ർ​ത്തി​യി​ൽ ഇ​സ്രാ​യേ​ലി​ലേ​ക്ക് നു​ഴ​ഞ്ഞു​ക​യ​റാ​ൻ ശ്ര​മി​ച്ച​വ​രും സൈ​ന്യ​വും ത​മ്മി​ൽ ഏ​റ്റു​മു​ട്ടി. ആ​ള​പാ​യം സം​ബ​ന്ധി​ച്ച് വി​വ​ര​മി​ല്ല. അ​തി​ർ​ത്തി മ​തി​ൽ ത​ക​ർ​ക്കാ​നും ശ്ര​മി​ച്ചു. തെക്കൻ ലബനാനിൽ ഇസ്രായേൽ ഷെല്ലാക്രമണത്തിൽ റോയിട്ടേഴ്സ് വിഡിയോഗ്രാഫർ ഇസ്സാം അബ്ദുല്ല കൊല്ലപ്പെട്ടു. ഇ​സ്രാ​യേ​ൽ-​ഹ​മാ​സ് സം​ഘ​ർ​ഷ​ത്തി​ന്റെ അ​ടി​സ്ഥാ​ന​കാ​ര​ണം ഫ​ല​സ്തീ​ൻ​കാ​രോ​ടു​ള്ള ച​രി​ത്ര​പ​ര​മാ​യ നീ​തി​നി​ഷേ​ധ​മാ​ണെ​ന്ന് ​ചൈ​നീ​സ് വി​ദേ​ശ​കാ​ര്യ മ​ന്ത്രി വാ​ങ് യി ​പ​റ​ഞ്ഞു.

ഇ​തി​നി​ടെ ഫ​ല​സ്തീ​ന് ഐ​ക്യ​ദാ​ർ​ഢ്യം പ്ര​ഖ്യാ​പി​ച്ചും ഗ​സ്സ​യി​ലെ ന​ര​നാ​യാ​ട്ട് അ​വ​സാ​നി​പ്പി​ക്ക​ണ​മെ​ന്നും ആ​വ​ശ്യ​പ്പെ​ട്ട് വെ​ള്ളി​യാ​ഴ്ച ലോ​ക​ത്തി​ന്റെ വി​വി​ധ ഭാ​ഗ​ങ്ങ​ളി​ൽ വ​ൻ റാ​ലി​ക​ൾ ന​ട​ന്നു. ലോ​ക​മെ​ങ്ങും ഇ​സ്‍ലാം​മ​ത വി​ശ്വാ​സി​ക​ൾ ജു​മു​അ ഖു​തു​ബ​യി​ൽ ഗ​സ്സ നി​വാ​സി​ക​ൾ​ക്കു​വേ​ണ്ടി പ്രാ​ർ​ഥി​ച്ചു.

ഇ​സ്രാ​യേ​ൽ ആ​ക്ര​മ​ണം തു​ട​രു​ക​യാ​ണെ​ങ്കി​ൽ മ​റ്റു യു​ദ്ധ​മു​ഖ​ങ്ങ​ൾ കൂ​ടി തു​റ​ക്കേ​ണ്ടി വ​രു​മെ​ന്ന് ഇ​റാ​ൻ മു​ന്ന​റി​യി​പ്പ് ന​ൽ​കി. സ​മ​യ​മാ​യാ​ൽ ഹ​മാ​സി​നൊ​പ്പം ചേ​ർ​ന്ന് പൊ​രു​താ​ൻ ത​യാ​റാ​ണെ​ന്ന് ല​ബ​നാ​നി​ലെ ഹി​സ്ബു​ല്ല​യും പ്ര​ഖ്യാ​പി​ച്ചു. ഫ​ല​സ്തീ​നി​ക​​ളെ ഈ​ജി​പ്തി​ലേ​ക്ക് നീ​ക്കാ​നാ​ണ് ഇ​സ്രാ​യേ​ൽ ഇ​തി​ലൂ​ടെ ശ്ര​മി​ക്കു​ന്ന​തെ​ന്ന് നി​രീ​ക്ഷ​ക​ർ ആ​രോ​പി​ക്കു​ന്നു. ഗ​സ്സ​യി​ൽ ക​ര വ​ഴി അ​ധി​നി​വേ​ശം ന​ട​ത്താ​ൻ അ​തി​ർ​ത്തി​യി​ൽ സ​ജ്ജ​രാ​യി​രി​ക്കു​ക​യാ​ണ് ഇ​സ്രാ​യേ​ൽ സേ​ന. അ​തേ​സ​മ​യം, ഇ​ത്ര​യും ജ​ന​ങ്ങ​ൾ​ക്ക് ഇ​ത്ര ചു​രു​ങ്ങി​യ സ​മ​യ​ത്ത് ഒ​ഴി​ഞ്ഞു​പോ​കാ​നാ​കി​ല്ലെ​ന്ന് ഇ​സ്രാ​യേ​ൽ സൈ​ന്യം ത​ന്നെ സ​മ്മ​തി​ക്കു​ന്നു​ണ്ട്. നി​ർ​ബ​ന്ധി​ത ഒ​ഴി​പ്പി​ക്ക​ൽ എ​തി​ർ​ക്കു​ന്നു​വെ​ന്ന് ഫ​ല​സ്തീ​ൻ പ്ര​സി​ഡ​ന്റ് മ​ഹ്മൂ​ദ് അ​ബ്ബാ​സ്, യു.​എ​സ് വി​ദേ​ശ​കാ​ര്യ സെ​ക്ര​ട്ട​റി ആ​ന്റ​ണി ബ്ലി​ങ്ക​നു​മാ​യി ​ജോ​ർ​ഡ​നി​ൽ ന​ട​ത്തി​യ ച​ർ​ച്ച​യി​ൽ അ​റി​യി​ച്ചു. ഒ​ഴി​ഞ്ഞു​പോ​കാ​നു​ള്ള അ​ന്ത്യ​ശാ​സ​നം അം​ഗീ​ക​രി​ക്കാ​നാ​കി​ല്ലെ​ന്നും ഉ​ട​ൻ പി​ൻ​വ​ലി​ക്ക​ണ​മെ​ന്നും തു​ർ​ക്കി​യ പ്ര​തി​ക​രി​ച്ചു. ജ​ന​ങ്ങ​ൾ​ക്ക് മാ​റാ​ൻ ഇ​സ്രാ​യേ​ൽ മാ​ന്യ​മാ​യ മു​ന്ന​റി​യി​പ്പാ​ണ് ന​ൽ​കി​യ​തെ​ന്നും പ​ക്ഷേ ഇ​ത്ര കു​റ​ഞ്ഞ സ​മ​യ​ത്തി​ൽ ഇ​വി​ടം വി​ട്ടു​പോ​ക​ൽ ഏ​റെ ശ്ര​മ​ക​ര​മാ​ണെ​ന്നാ​ണ് വൈ​റ്റ്ഹൗ​സ് പ​റ​ഞ്ഞ​ത്.