യു​ക്രെ​യ്നിൽ റ​ഷ്യ​ൻ മി​സൈ​ലാ​ക്ര​മ​ണം; ആ​റു മ​ര​ണം

കി​യ​വ്: യു​ക്രെ​യ്നി​ലെ തെ​ക്ക​ൻ ന​ഗ​ര​മാ​യ ഒ​ഡേ​സ​യി​ലും കി​ഴ​ക്ക​ൻ ന​ഗ​ര​മാ​യ ഡോ​ണ​ട്സ്കി​ലും ബു​ധ​നാ​ഴ്ച റ​ഷ്യ​ൻ​സേ​ന ന​ട​ത്തി​യ മി​സൈ​ലാ​ക്ര​മ​ണ​ത്തി​ൽ ആ​റു പേ​ർ കൊ​ല്ല​പ്പെ​ട്ടു. ആ​ക്ര​മ​ണ​ത്തി​ൽ ഒ​ട്ടേ​റെ വീ​ടു​ക​ൾ ത​ക​ർ​ന്ന​താ​യി യു​ക്രെ​യ്ൻ അ​ധി​കൃ​ത​ർ അ​റി​യി​ച്ചു.

​ഒ​ഡേ​സ​യി​ൽ ഭ​ക്ഷ്യ​സം​ഭ​ര​ണ​ശാ​ല​യി​ലെ മൂ​ന്നു ജീ​വ​ന​ക്കാ​രാ​ണ് മി​സൈ​ലാ​ക്ര​മ​ണ​ത്തി​ൽ കൊ​ല്ല​പ്പെ​ട്ട​ത്. സം​ഭ​വ​ത്തി​ൽ 13 പേ​ർ​ക്ക് പ​രി​ക്കേ​റ്റു. വീ​ടു​ക​ളും ക​ട​ക​ളും ക​ഫെ​ക​ളും ആ​ക്ര​മ​ണ​ത്തി​ൽ ത​ക​ർ​ന്ന​താ​യി പ്രാ​ദേ​ശി​ക ഭ​ര​ണ​കൂ​ടം അ​റി​യി​ച്ചു. ത​ക​ർ​ന്ന ഭ​ക്ഷ്യ​സം​ഭ​ര​ണ​ശാ​ല​യി​ൽ മ​റ്റാ​രെ​ങ്കി​ലും കു​ടു​ങ്ങി​ക്കി​ട​ക്കു​ന്നു​ണ്ടോ എ​ന്ന് പ​രി​ശോ​ധ​ന ന​ട​ത്തു​ന്നു​ണ്ട്. നാ​ലു കാ​ലി​ബ​ർ മി​സൈ​ലു​ക​ൾ ഉ​പ​യോ​ഗി​ച്ചാ​ണ് റ​ഷ്യ​ൻ ആ​ക്ര​മ​ണ​മെ​ന്നും പ്രാ​ദേ​ശി​ക ഭ​ര​ണ​കൂ​ടം ആ​രോ​പി​ച്ചു.

ഡോ​ണ​ട്സ്ക് പ്ര​വി​ശ്യ​യി​ലെ ക്ര​മ​റ്റോ​ർ​സ്ക് ന​ഗ​ര​ത്തി​ൽ ര​ണ്ടു​പേ​രും കൊ​സ്ത്യ​ന്റി​നി​വ്ക​യി​ൽ ഒ​രാ​ളും മി​സൈ​ലാ​​ക്ര​മ​ണ​ങ്ങ​ളി​ൽ കൊ​ല്ല​പ്പെ​ട്ട​താ​യി ഗ​വ​ർ​ണ​ർ പാ​വ്ലോ കി​യി​ർ​ല​​ങ്കോ പ​റ​ഞ്ഞു. ഒ​ട്ടേ​റെ വീ​ടു​ക​ൾ​ക്ക് നാ​ശ​മു​ണ്ടാ​യിട്ടുണ്ട്.

ഇ​രു​ന​ഗ​ര​ങ്ങ​ളി​ലു​മാ​യി 90ഓ​ളം വീ​ടു​ക​ൾ​ക്ക് നാ​ശ​മു​ണ്ടാ​യ​താ​യി യു​ക്രെ​യ്ൻ പ്ര​സി​ഡ​ന്റി​ന്റെ ഓ​ഫി​സ് അ​റി​യി​ച്ചു. ഒ​രു വ​ർ​ഷ​ത്തി​ല​ധി​ക​മാ​യി തു​ട​രു​ന്ന യു​ദ്ധ​ത്തി​ൽ റ​ഷ്യ​ൻ സേ​ന വ്യോ​മാ​ക്ര​മ​ണം ക​ടു​പ്പി​ച്ചി​രി​ക്കു​ക​യാ​ണെ​ന്ന് യു​ക്രെ​യ്ൻ കു​റ്റ​പ്പെ​ടു​ത്തി.

അ​തേ​സ​മ​യം, റ​ഷ്യ​ൻ നി​യ​ന്ത്ര​ണ​ത്തി​ലു​ള്ള രാ​ജ്യ​ത്തി​ന്റെ അ​ഞ്ചി​ലൊ​ന്ന് ഭാ​ഗം തി​രി​ച്ചു​പി​ടി​ക്കു​ന്ന​തി​നു​ള്ള പ്ര​ത്യാ​ക്ര​മ​ണ​ത്തി​ൽ യു​​ക്രെ​യ്ൻ ചെ​റി​യ​തോ​തി​ൽ നേ​ട്ട​മു​ണ്ടാ​ക്കി​യി​ട്ടു​ണ്ട്. ഇ​ക്കാ​ര്യ​ത്തി​ൽ രാ​ജ്യം പ​തി​യെ മു​ന്നേ​റു​ക​യാ​ണെ​ന്ന് യു​​ക്രെ​യ്ൻ ഉ​പ പ്ര​തി​രോ​ധ​മ​ന്ത്രി ഹ​ന്ന മ​ലി​യ​ർ പ​റ​ഞ്ഞു. ഡോ​ണ​ട്സ്കി​ലെ ബ​ഖ്മു​തി​ൽ 500 മീ​റ്റ​ർ ദൂ​ര​വും തെ​ക്ക​ൻ മേ​ഖ​ല​യി​ലെ സ​പോ​റി​ഷ്യ​യി​ൽ 350 മീ​റ്റ​റും മു​ന്നേ​റ്റം ന​ട​ത്തി. റ​ഷ്യ​ൻ വ്യോ​മാ​ക്ര​മ​ണ​ത്തി​നി​ട​യി​ലും യു​ക്രെ​യ്ൻ മു​ന്നേ​റ്റം തു​ട​രു​ക​യാ​ണെ​ന്നും ഹ​ന്ന അ​വ​കാ​ശ​പ്പെ​ട്ടു.

അ​തേ​സ​മ​യം, നി​യ​ന്ത്ര​ണം വീ​ണ്ടെ​ടു​ക്കാ​നു​ള്ള യു​ക്രെ​യ്നി​ന്റെ ശ്ര​മം ഫ​ലം കാ​ണാ​ൻ വ​ർ​ഷ​ങ്ങ​ളെ​ടു​ക്കു​മെ​ന്നാ​ണ് പ​ടി​ഞ്ഞാ​റ​ൻ നി​രീ​ക്ഷ​ക​രു​ടെ​യും സൈ​നി​ക അ​ധി​കൃ​ത​രു​ടെ​യും നി​ഗ​മ​നം.