ശൈഖ് മുഹമ്മദ് ബിൻ അബ്ദുൽറഹ്മാൻ ആൽഥാനി ഖത്തർ പ്രധാനമന്ത്രി

ദോ​ഹ: ​പ്ര​ധാ​ന​മ​​ന്ത്രി ഉ​ൾ​പ്പെ​ടെ മാ​റ്റ​ങ്ങ​ളു​മാ​യി ഖ​ത്ത​ർ മ​ന്ത്രി​സ​ഭ​യി​ൽ അ​ഴി​ച്ചു​പ​ണി. വി​ദേ​ശ​കാ​ര്യ​മ​ന്ത്രി​യും ഉ​പ​പ്ര​ധാ​ന​മ​ന്ത്രി​യു​മാ​യി​രു​ന്ന ശൈ​ഖ്​ മു​ഹ​മ്മ​ദ്​ ബി​ൻ അ​ബ്​​ദു​ൽ​റ​ഹ്​​മാ​ൻ ആ​ൽ​ഥാ​നി​യെ പു​തി​യ പ്ര​ധാ​ന​മ​ന്ത്രി​യാ​യി അ​മീ​ർ ശൈ​ഖ്​ ത​മീം ബി​ൻ ഹ​മ​ദ്​ ആ​ൽ​ഥാ​നി നി​യ​മി​ച്ചു. ചൊ​വ്വാ​ഴ്​​ച രാ​വി​ലെ അ​മി​രി ദി​വാ​നി​ൽ ന​ട​ന്ന ച​ട​ങ്ങി​ൽ പു​തി​യ പ്ര​ധാ​ന​മ​ന്ത്രി സ​ത്യ​പ്ര​തി​ജ്ഞ​ചെ​യ്​​ത്​ അ​ധി​കാ​ര​മേ​റ്റു.

രാ​ജി​വെ​ച്ച ശൈ​ഖ്​ ഖാ​ലി​ദ്​ ബി​ൻ ഖ​ലീ​ഫ ബി​ൻ അ​ബ്​​ദു​ൽ അ​സീ​സ്​ ആ​ൽ​ഥാ​നി​യു​ടെ പി​ൻ​ഗാ​മി​യാ​യാ​ണ്​ സ്​​ഥാ​ന​മേ​റ്റ​ത്. വി​ദേ​ശ​കാ​ര്യ മ​ന്ത്രി​യു​ടെ ചു​മ​ത​ല പ്ര​ധാ​ന​മ​ന്ത്രി​ത​ന്നെ വ​ഹി​ക്കും.മു​ൻ പ്ര​ധാ​ന​മ​ന്ത്രി വ​ഹി​ച്ച ആ​ഭ്യ​ന്ത​ര​മ​ന്ത്രി പ​ദ​വി​യി​ലേ​ക്ക് ശൈ​ഖ്​ ഖ​ലീ​ഫ ബി​ൻ ഹ​മ​ദ്​ ബി​ൻ ഖ​ലീ​ഫ ആ​ൽ​ഥാ​നി​യെ നി​യ​മി​ച്ചു. പ്ര​തി​രോ​ധ​മ​ന്ത്രി​യും ഉ​പ​പ്ര​ധാ​ന​മ​ന്ത്രി​യു​മാ​യ ഡോ. ​ഖാ​ലി​ദ്​ ബി​ൻ മു​ഹ​മ്മ​ദ്​ അ​ൽ അ​ത്തി​യ​യു​ടെ ചു​മ​ത​ല​യി​ൽ മാ​റ്റ​മി​ല്ല.

ചൊ​വ്വാ​ഴ്ച രാ​വി​ലെ​യാ​ണ് പ്ര​ധാ​ന​മ​ന്ത്രി സ്ഥാ​ന​ത്തു​നി​ന്നും ശൈ​ഖ് ഖാ​ലി​ദ് ബി​ൻ ഖ​ലീ​ഫ ബി​ൻ അ​ബ്ദു​ൽ അ​സീ​സ് ആ​ൽ​ഥാ​നി​യു​ടെ രാ​ജി അ​മീ​ർ സ്വീ​ക​രി​ച്ച​ത്.