യു​ക്രെ​യ്ൻ യു​ദ്ധ​ത്തി​ന് മൂ​ന്നാ​ണ്ട്; ഐ​ക്യ​ദാ​ർ​ഢ്യ​വു​മാ​യി നേ​താ​ക്ക​ൾ

കി​യ​വ്: യു​ക്രെ​യ്നി​ലെ റ​ഷ്യ​ൻ അ​ധി​നി​വേ​ശ​ത്തി​​​​ന്റെ മൂ​ന്നാം വാ​ർ​ഷി​ക​ത്തി​ൽ യു​ക്രെ​യ്ന് ഐ​ക്യ​ദാ​ർ​ഢ്യ​വു​മാ​യി യൂ​റോ​പ്യ​ൻ, ക​നേ​ഡി​യ​ൻ നേ​താ​ക്ക​ൾ. യൂ​റോ​പ്യ​ൻ ക​മീ​ഷ​ൻ പ്ര​സി​ഡ​ന്റ് ഉ​ർ​സു​ല വോ​ൺ ദെ​ർ ലെ​യെ​ൻ, ക​നേ​ഡി​യ​ൻ പ്ര​ധാ​ന​മ​ന്ത്രി ജ​സ്റ്റി​ൻ ട്രൂ​ഡോ എ​ന്നി​വ​രു​ൾ​പ്പെ​ടെ 15ഓ​ളം നേ​താ​ക്ക​ളാ​ണ് ‘യു​ക്രെ​യ്ന് പി​ന്തു​ണ’ എ​ന്ന പേ​രി​ൽ സം​ഘ​ടി​പ്പി​ച്ച ഉ​ച്ച​കോ​ടി​യി​ൽ പ​​ങ്കെ​ടു​ക്കാ​ൻ യു​ക്രെ​യ്നി​ൽ എ​ത്തി​യ​ത്. കി​യ​വ് റെ​യി​ൽ​വേ സ്റ്റേ​ഷ​നി​ൽ വ​ന്നി​റ​ങ്ങി​യ നേ​താ​ക്ക​ളെ യു​ക്രെ​യ്ൻ വി​ദേ​ശ​കാ​ര്യ മ​ന്ത്രി ആ​ന്ദ്രി സി​ബി​ഹ, പ്ര​സി​ഡ​ന്റി​​ന്റെ ചീ​ഫ് ഓ​ഫ് സ്റ്റാ​ഫ് ആ​ന്ദ്രി യെ​ർ​മാ​ക് എ​ന്നി​വ​ർ ചേ​ർ​ന്ന് സ്വീ​ക​രി​ച്ചു.

യു​ക്രെ​യ്ൻ യൂ​റോ​പ്പി​ലാ​യ​തി​നാ​ൽ യൂ​റോ​പ് യു​ക്രെ​യ്നി​ൽ എ​ത്തി​യെ​ന്ന് ഉ​ർ​സു​ല എ​ക്സി​ൽ കു​റി​ച്ചു. അ​തി​ജീ​വ​ന​ത്തി​നാ​യു​ള്ള പോ​രാ​ട്ട​ത്തി​ൽ, യു​ക്രെ​യ്നി​​ന്റെ ഭാ​വി മാ​ത്ര​മ​ല്ല, യൂ​റോ​പ്പി​​ന്റെ ഭാ​വി കൂ​ടി​യാ​ണ് തീ​രു​മാ​നി​ക്ക​പ്പെ​ടു​ന്ന​തെ​ന്നും അ​വ​ർ പ​റ​ഞ്ഞു.

2022 ഫെ​ബ്രു​വ​രി 24നാ​ണ് യു​ക്രെ​യ്നു​നേ​രെ റ​ഷ്യ യു​ദ്ധം ആ​രം​ഭി​ച്ച​ത്. എ​ളു​പ്പ​ത്തി​ൽ വി​ജ​യം നേ​ടാ​മെ​ന്ന റ​ഷ്യ​ൻ പ്ര​സി​ഡ​ന്റ് വ്ലാ​ദി​മി​ർ പു​ടി​​ന്റെ പ്ര​തീ​ക്ഷ​ക​ൾ ത​ക​ർ​ത്താ​ണ് യു​ദ്ധം മൂ​ന്നാം വ​ർ​ഷ​ത്തി​ലേ​ക്ക് നീ​ണ്ട​ത്.

അ​മേ​രി​ക്ക​ൻ പ്ര​സി​ഡ​ന്റ് ഡോ​ണ​ൾ​ഡ് ട്രം​പ് യു​ക്രെ​യ്ൻ പ്ര​സി​ഡ​ന്റ് വൊ​ളോ​ദി​മി​ർ സെ​ല​ൻ​സ്കി​യെ ഏ​കാ​ധി​പ​തി എ​ന്ന് വി​ശേ​ഷി​പ്പി​ച്ച​തി​ന് പി​ന്നാ​ലെ​യാ​ണ് യൂ​റോ​പ്യ​ൻ നേ​താ​ക്ക​ളു​ടെ സ​ന്ദ​ർ​ശ​നം. യു​ക്രെ​യ്ൻ യു​ദ്ധ പ​രി​ഹാ​ര​ത്തി​ന് ക​ഴി​ഞ്ഞ​യാ​ഴ്ച സൗ​ദി അ​റേ​ബ്യ​യി​ൽ ന​ട​ന്ന യു.​എ​സ്-​റ​ഷ്യ ച​ർ​ച്ച​യി​ൽ യു​ക്രെ​യ്നെ പ​​ങ്കെ​ടു​പ്പി​ച്ചി​രു​ന്നു​മി​ല്ല. അ​മേ​രി​ക്ക യു​ക്രെ​യ്നെ​യും യൂ​റോ​പ്യ​ൻ യൂ​നി​യ​നെ​യും കൈ​വി​ടു​ന്നു എ​ന്ന തോ​ന്ന​ൽ ശ​ക്ത​മാ​കു​ന്ന പ​ശ്ചാ​ത്ത​ല​ത്തി​ൽ കൂ​ടി​യാ​ണ് ഉ​ച്ച​കോ​ടി സം​ഘ​ടി​പ്പി​ച്ച​ത്.

സ്​​പെ​യി​ൻ പ്ര​ധാ​ന​മ​ന്ത്രി പെ​ഡ്രോ സാ​ഞ്ച​സ്, ഡെ​ൻ​മാ​ർ​ക് പ്ര​ധാ​ന​മ​ന്ത്രി മെ​റ്റെ ഫ്രെ​ഡ​റി​ക്സ​ൻ, നോ​ർ​​വേ പ്ര​ധാ​ന​മ​ന്ത്രി ജോ​നാ​സ് ഗാ​ർ സ്റ്റോ​ർ എ​ന്നി​വ​രും യു​ക്രെ​യ്നി​ൽ എ​ത്തി​യി​രു​ന്നു. സ്വീ​ഡ​ൻ, ഫി​ൻ​ല​ൻ​ഡ്, ലി​ത്വേ​നി​യ, ലാ​ത്‍വി​യ, എ​സ്തോ​ണി​യ എ​ന്നി​വി​ട​ങ്ങ​ളി​ൽ​നി​ന്നു​ള്ള നേ​താ​ക്ക​ളും സം​ഘ​ത്തി​ലു​ണ്ടാ​യി​രു​ന്നു.