വ്യാപാര യുദ്ധം മുറുക്കി ട്രംപ്; 14 രാജ്യങ്ങൾക്ക് 25 ശതമാനം തീരുവ

വാ​ഷി​ങ്ട​ൺ: തീ​രു​വ​യു​ദ്ധം രൂ​ക്ഷ​മാ​ക്കി സ​ഖ്യ​രാ​ജ്യ​ങ്ങ​ളാ​യ ജ​പ്പാ​ൻ, ദ​ക്ഷി​ണ ​കൊ​റി​യ എ​ന്നി​വ​യ​ട​ക്കം 14 രാ​ജ്യ​ങ്ങ​ൾ​ക്കെ​തി​രെ തീ​രു​വ പ്ര​ഖ്യാ​പി​ച്ച് യു.​എ​സ് പ്ര​സി​ഡ​ന്റ് ഡോ​ണ​ൾ​ഡ് ട്രം​പ്.

തീ​രു​വ അ​റി​യി​ച്ച് വി​വി​ധ രാ​ഷ്ട്ര​ത്ത​ല​വ​ന്മാ​ർ​ക്കു​ള്ള ക​ത്തും ത​ന്റെ സ​മൂ​ഹ മാ​ധ്യ​മ​മാ​യ ട്രൂ​ത്ത് സോ​ഷ്യ​ലി​ൽ ന​ൽ​കി​യി​ട്ടു​ണ്ട്. പ്ര​തി​കാ​ര​മാ​യി യു.​എ​സി​നെ​തി​രെ പു​തി​യ തീ​രു​വ ചു​മ​ത്തി​യാ​ൽ പ്ര​ഖ്യാ​പി​ച്ച​തി​നു പു​റ​മെ അ​ത്ര​യും അ​ധി​ക​മാ​യി ഈ​ടാ​ക്കു​മെ​ന്ന മു​ന്ന​റി​യി​പ്പു​മു​ണ്ട്. ആ​ഗ​സ്റ്റ് ഒ​ന്നി​നാ​ണ് പു​തി​യ തീ​രു​വ നി​ല​വി​ൽ​വ​രു​ക.

അ​ലൂ​മി​നി​യം, ഉ​രു​ക്ക് അ​ട​ക്കം നേ​ര​ത്തേ ന​ട​പ്പാ​ക്കി​യ​വ​ക്കു പു​റ​മെ​യാ​ണ് പു​തി​യ പ്ര​ഖ്യാ​പ​നം. രാ​ജ്യ​ങ്ങ​ളു​മാ​യി ക​ഴി​ഞ്ഞ ഏ​പ്രി​ലി​ൽ പ്ര​ഖ്യാ​പി​ച്ച തീ​രു​വ യു​ദ്ധം ജൂ​ലൈ ഒ​മ്പ​തി​ന് അ​വ​ധി​യെ​ത്താ​നി​രി​ക്കെ​യാ​ണ് ന​ട​പ്പാ​ക്കു​ന്ന​ത് നീ​ട്ടി​യും 14 രാ​ജ്യ​ങ്ങ​ൾ​ക്ക് ക​ത്ത​യ​ച്ചും ട്രം​പി​ന്റെ പു​തി​യ നീ​ക്കം.

ദ​ക്ഷി​ണാ​ഫ്രി​ക്ക​ക്കും ജ​പ്പാ​നും 25 ശ​ത​മാ​നം നി​കു​തി ചു​മ​ത്തി​യ​പ്പോ​ൾ അ​യ​ൽ​രാ​ജ്യ​മാ​യ ബം​ഗ്ലാ​​ദേ​ശി​ൽ​നി​ന്നു​ള്ള എ​ല്ലാ ഉ​ൽ​പ​ന്ന​ങ്ങ​ൾ​ക്കും 35 ശ​ത​മാ​നം തീ​രു​വ പ്ര​ഖ്യാ​പി​ച്ചി​ട്ടു​ണ്ട്. ഇ​ന്തോ​നേ​ഷ്യ, ക​സാ​ഖ്സ്താ​ൻ, മ​ലേ​ഷ്യ, സെ​ർ​ബി​യ, ദ​ക്ഷി​ണാ​ഫ്രി​ക്ക, താ​യ്‍ല​ൻ​ഡ്, ലാ​വോ, തു​നീ​ഷ്യ, ബോ​സ്നി​യ ഹെ​ർ​സ​ഗോ​വി​ന എ​ന്നി​വ​യാ​ണ് മ​റ്റു രാ​ജ്യ​ങ്ങ​ൾ. ഏ​പ്രി​ൽ ര​ണ്ടി​നാ​ണ് ഇ​ന്ത്യ​യ​ട​ക്കം രാ​ജ്യ​ങ്ങ​ൾ​ക്കു​മേ​ൽ തീ​രു​വ പ്ര​ഖ്യാ​പി​ച്ച് ട്രം​പ് രം​ഗ​ത്തെ​ത്തി​യ​ത്. ക​ന​ത്ത സ​മ്മ​ർ​ദ​ത്തെ തു​ട​ർ​ന്ന് ന​ട​പ്പാ​ക്കു​ന്ന​ത് മൂ​ന്നു മാ​സം നീ​ട്ടി.

ഇ​തി​ന​കം അ​മേ​രി​ക്ക​യു​മാ​യി പു​തി​യ വ്യാ​പാ​ര ക​രാ​റി​ലെ​ത്ത​ണ​മെ​ന്നും ജൂ​ലൈ ഒ​മ്പ​തി​ന് അ​വ​ധി അ​വ​സാ​നി​ക്കും​മു​മ്പ് ക​രാ​റി​ലെ​ത്താ​ത്ത രാ​ജ്യ​ങ്ങ​ൾ​ക്കു​മേ​ൽ തീ​രു​വ ന​ട​പ്പാ​ക്കു​മെ​ന്നും പ്ര​ഖ്യാ​പി​ച്ചു. ഇ​നി​യും ച​ർ​ച്ച​ക​ൾ​ക്ക് അ​വ​സ​ര​മു​ണ്ടെ​ന്നും രാ​ജ്യ​ങ്ങ​ൾ​ക്ക​യ​ച്ച ക​ത്തി​ൽ പ​റ​യു​ന്നു. ട്രം​പി​ന്റെ പ്ര​ഖ്യാ​പ​ന​മെ​ത്തി​യ​തോ​ടെ അ​മേ​രി​ക്ക​യു​മാ​യി ക​രാ​റി​ലെ​ത്താ​ൻ താ​ൽ​പ​ര്യ​മ​റി​യി​ച്ച് രാ​ജ്യ​ങ്ങ​ൾ രം​ഗ​ത്തെ​ത്തി​യി​ട്ടു​ണ്ട്. 3400 കോ​ടി ഡോ​ള​റി​ന്റെ അ​മേ​രി​ക്ക​ൻ ധാ​ന്യ​ങ്ങ​ളും ഇ​ന്ധ​ന​വും വാ​ങ്ങാ​മെ​ന്ന് ഇ​ന്തോ​നേ​ഷ്യ അ​റി​യി​ച്ചു. അ​മേ​രി​ക്ക​ൻ നി​ർ​മി​ത വി​മാ​ന​ങ്ങ​ൾ കൂ​ടു​ത​ൽ വാ​ങ്ങു​ന്ന​തി​നൊ​പ്പം വ്യാ​പാ​ര നി​യ​ന്ത്ര​ണ​ങ്ങ​ൾ എ​ടു​ത്തു​ക​ള​യാ​മെ​ന്ന് താ​യ്‍ല​ൻ​ഡ് വ്യ​ക്ത​മാ​ക്കി.

വ​രു​ന്ന ര​ണ്ടു പ​തി​റ്റാ​ണ്ടി​നി​ടെ കൂ​ടു​ത​ൽ പ്ര​കൃ​തി​വാ​ത​കം വാ​ങ്ങാ​ൻ ജ​പ്പാ​നും സ​ന്ന​ദ്ധ​ത അ​റി​യി​ച്ചു. ആ​ഗ​സ്റ്റ് ഒ​ന്നി​ന് പു​തി​യ തീ​രു​വ പ്രാ​ബ​ല്യ​ത്തി​ലാ​കു​ന്ന​തോ​ടെ ഏ​ഷ്യ​ൻ രാ​ജ്യ​ങ്ങ​ളി​ൽ​നി​ന്ന് ഇ​റ​ക്കു​മ​തി ചെ​യ്യു​ന്ന ഉ​ൽ​പ​ന്ന​ങ്ങ​ൾ​ക്ക് തീ​രു​വ 4.8 ശ​ത​മാ​ന​മാ​യി​രു​ന്ന​ത് 27 ശ​ത​മാ​ന​മാ​യി ഉ​യ​രും.