യുക്രെയ്ൻ യുദ്ധം: യു.എസ്–റഷ്യൻ ചർച്ച സൗദിയിൽ; യു​ക്രെ​യ്ന് ക്ഷ​ണമില്ല

വാ​ഷി​ങ്ട​ൺ: യു.​എ​സ്, റ​ഷ്യ​ൻ ഉ​ദ്യോ​ഗ​സ്ഥ​ർ ത​മ്മി​ലു​ള്ള യു​ക്രെ​യ്ൻ വെ​ടി​നി​ർ​ത്ത​ൽ ച​ർ​ച്ച​ക​ൾ സൗ​ദി അ​റേ​ബ്യ​യി​ൽ ന​ട​ക്കും. യു.​എ​സി​ലെ ഔ​ദ്യോ​ഗി​ക വൃ​ത്ത​ങ്ങ​ളെ ഉ​ദ്ധ​രി​ച്ച് റോ​യ്ട്ടേ​ഴ്സാ​ണ് ഇ​ക്കാ​ര്യം റി​പ്പോ​ർ​ട്ട് ചെ​യ്ത​ത്.

അ​തേ​സ​മ​യം, ച​ർ​ച്ച​യി​ലേ​ക്ക് യു​ക്രെ​യ്നെ ക്ഷ​ണി​ച്ചി​ട്ടി​ല്ല. യൂ​റോ​പ്യ​ൻ സൗ​ഹൃ​ദ രാ​ജ്യ​ങ്ങ​ളു​മാ​യി കൂ​ടി​യാ​ലോ​ചി​ച്ചേ റ​ഷ്യ​യു​മാ​യി ച​ർ​ച്ച​ക്ക് ത​യാ​റാ​കൂ​വെ​ന്ന് യു​ക്രെ​യ്ൻ വ്യ​ക്ത​മാ​ക്കി​യി​ട്ടു​ണ്ട്. സ്റ്റേ​റ്റ് സെ​ക്ര​ട്ട​റി ​മാ​ർ​കോ റൂ​ബി​യോ, സു​ര​ക്ഷ ഉ​പ​ദേ​ഷ്ടാ​വ് മൈ​ക് വാ​റ്റ്സ്, പ​ശ്ചി​മേ​ഷ്യ പ്ര​തി​നി​ധി സ്റ്റീ​വ് വി​റ്റ്കോ​ഫ് എ​ന്നി​വ​രാ​ണ് യു.​എ​സി​നെ പ്ര​തി​നി​ധാ​നം​ചെ​യ്ത് ച​ർ​ച്ച​യി​ൽ പ​​ങ്കെ​ടു​ക്കു​ക.

എ​ന്നാ​ൽ, ച​ർ​ച്ച​യി​ൽ പ​​ങ്കെ​ടു​ക്കു​ന്ന റ​ഷ്യ​ൻ പ്ര​തി​നി​ധി​ക​ളു​ടെ പേ​ര് പു​റ​ത്തു​വി​ട്ടി​ട്ടി​ല്ല. യു.​എ​സ് പ്ര​സി​ഡ​ന്റ് ഡോ​ണ​ൾ​ഡ് ട്രം​പും റ​ഷ്യ​ൻ പ്ര​സി​ഡ​ന്റ് വ്ലാ​ദി​മി​ർ പു​ടി​നും ത​മ്മി​ൽ കൂ​ടി​ക്കാ​ഴ്ച​ക്ക് സാ​ഹ​ച​ര്യ​മൊ​രു​ക്കു​ക​യും സ​മാ​ധാ​ന ഉ​ട​മ്പ​ടി യാ​ഥാ​ർ​ഥ്യ​മാ​ക്കു​ക​യു​മാ​ണ് ച​ർ​ച്ച​യു​ടെ പ്ര​ധാ​ന ല​ക്ഷ്യ​മെ​ന്ന് യു.​എ​സ് ജ​ന​പ്ര​തി​നി​ധി സ​ഭാം​ഗ​മാ​യ മൈ​ക്ക​ൽ മ​കോ​ൾ പ​റ​ഞ്ഞു. ച​ർ​ച്ച​ക​ൾ ന​ട​ക്കു​മെ​ന്ന വി​വ​രം യു.​എ​സ് വൃ​ത്ത​ങ്ങ​ൾ സ്ഥി​രീ​ക​രി​ച്ചി​ട്ടു​ണ്ടെ​ങ്കി​ലും സ്റ്റേ​റ്റ് ഡി​പ്പാ​ർ​ട്മെ​ന്റ് പ്ര​തി​ക​രി​ച്ചി​ട്ടി​ല്ല.

ജ​നു​വ​രി 20ന് ​പ്ര​സി​ഡ​ന്റാ​യി ചു​മ​ത​ല​യേ​റ്റ ട്രം​പ്, യു​ക്രെ​യ്ൻ യു​ദ്ധം ഉ​ട​ൻ അ​വ​സാ​നി​പ്പി​ക്കു​മെ​ന്ന് ആ​വ​ർ​ത്തി​ച്ച് വ്യ​ക്ത​മാ​ക്കി​യി​ട്ടു​ണ്ട്. ബു​ധ​നാ​ഴ്ച അ​ദ്ദേ​ഹം പു​ടി​നു​മാ​യും ​യു​ക്രെ​യ്ൻ പ്ര​സി​ഡ​ന്റ് വോ​ളോ​ദി​മി​ർ സെ​ല​ൻ​സ്കി​യു​മാ​യും ഫോ​ണി​ൽ സം​സാ​രി​ച്ച​താ​യും റി​പ്പോ​ർ​ട്ടു​ണ്ട്.

യൂ​റോ​പ്യ​ൻ രാ​ജ്യ​ങ്ങ​ളെ ഒ​ഴി​വാ​ക്കി​യാ​ണ് സ​മാ​ധാ​ന ച​ർ​ച്ച​ക​ൾ ന​ട​ക്കു​ക​യെ​ന്നാ​ണ് സൂ​ച​ന. അ​തി​നി​ടെ, ​പി​ന്തു​ണ തേ​ടി യു.​എ.​ഇ, സൗ​ദി, തു​ർ​ക്കി​യ തു​ട​ങ്ങി​യ രാ​ജ്യ​ങ്ങ​ൾ സ​ന്ദ​ർ​ശി​ക്കു​മെ​ന്ന് അ​റി​യി​ച്ച സെ​ല​ൻ​സ്കി, യു.​എ​സ് റ​ഷ്യ​ൻ ഉ​ദ്യോ​ഗ​സ്ഥ​രു​മാ​യി കൂ​ടി​ക്കാ​ഴ്ച​യു​ണ്ടാ​കി​ല്ലെ​ന്നും വ്യ​ക്ത​മാ​ക്കി​യി​ട്ടു​ണ്ട്.

അ​ധി​നി​വി​ഷ്ട യു​ക്രെ​യ്ൻ പ്ര​ദേ​ശ​ങ്ങ​ൾ വി​ട്ടു​ന​ൽ​ക​ണ​മെ​ന്നാ​ണ് യു​ദ്ധം അ​വ​സാ​നി​പ്പി​ക്കാ​ൻ റ​ഷ്യ മു​ന്നോ​ട്ടു​വെ​ച്ച പ്ര​ധാ​ന ഉ​ട​മ്പ​ടി. എ​ന്നാ​ൽ, അ​ധി​നി​വി​ഷ്ട പ്ര​ദേ​ശ​ങ്ങ​ളി​ൽ​നി​ന്ന് റ​ഷ്യ പി​ന്മാ​റ​​ണ​മെ​ന്നും നാ​റ്റോ അം​ഗ​ത്വം ന​ൽ​ക​ണ​മെ​ന്നും യു​ക്രെ​യ്ൻ ആ​വ​ശ്യ​പ്പെ​ടു​ന്നു​ണ്ട്.