‘ബൈറൂത്തിനെ ഗസ്സയാക്കി മാറ്റും’ ഹിസ്ബുല്ലക്ക് നെതന്യാഹുവിന്റെ മുന്നറിയിപ്പ്

തെ​ൽ അ​വീ​വ്: ഇ​സ്രാ​യേ​ലി​ന്റെ വ​ട​ക്ക​ൻ ഭാ​ഗ​ത്ത് ല​ബ​നാ​നി​ൽ​നി​ന്നു​ള്ള മി​സൈ​ൽ ആ​ക്ര​മ​ണ​ത്തി​ൽ സി​വി​ലി​യ​ൻ​മാ​ർ കൊ​ല്ല​പ്പെ​ട്ട പ​ശ്ചാ​ത്ത​ല​ത്തി​ൽ ഹി​സ്ബു​ല്ല​ക്ക് മു​ന്ന​റി​യി​പ്പ് ന​ൽ​കി ഇ​സ്രാ​യേ​ൽ പ്ര​ധാ​ന​മ​ന്ത്രി ബി​ന്യ​മി​ൻ നെ​ത​ന്യാ​ഹു.

ബൈ​റൂ​ത്തി​നെ ഗ​സ്സ​യും ഖാ​ൻ യൂ​നു​സും പോ​ലെ​യാ​ക്കി മാ​റ്റു​മെ​ന്നാ​ണ് അ​തി​ർ​ത്തി​യി​ലെ സൈ​നി​ക താ​വ​ള​ങ്ങ​ൾ സ​ന്ദ​ർ​ശി​ച്ച​ശേ​ഷം നെ​ത​ന്യാ​ഹു മു​ന്ന​റി​യി​പ്പ് ന​ൽ​കി​യ​ത്. ഗ​സ്സ​യി​ൽ ഇ​സ്രാ​യേ​ൽ ആ​ക്ര​മ​ണം ആ​രം​ഭി​ച്ച​തു മു​ത​ൽ ഹി​സ്ബു​ല്ല ഇ​സ്രാ​യേ​ലി​നെ ല​ക്ഷ്യ​മാ​ക്കി റോ​ക്ക​റ്റു​ക​ളും മി​സൈ​ലു​ക​ളും അ​യ​ച്ചി​രു​ന്നു. ഇ​സ്രാ​യേ​ൽ തി​രി​ച്ച​ടി​യി​ൽ നി​ര​വ​ധി ഹി​സ്ബു​ല്ല അം​ഗ​ങ്ങ​ളും കൊ​ല്ല​പ്പെ​ട്ടു. ഇ​സ്രാ​യേ​ലി​ന്റെ ആ​ക്ര​മ​ണ​ത്തി​ൽ ല​ബ​നാ​നി​ൽ മാ​ധ്യ​മ​പ്ര​വ​ർ​ത്ത​ക​രും സി​വി​ലി​യ​ന്മാ​രും കൊ​ല്ല​പ്പെ​ട്ട സം​ഭ​വ​ങ്ങ​ളു​ണ്ടാ​യി​ട്ടു​ണ്ട്.

വെടിനിർത്തൽ ആവശ്യത്തെ പിന്തുണക്കില്ല -യു.എസ്

യുനൈറ്റഡ് നാഷൻസ്: ഗസ്സയിൽ അടിയന്തര വെടിനിർത്തൽ വേണമെന്ന യു.എൻ സെക്രട്ടറി ജനറലിന്റെയും രക്ഷാസമിതിയുടെയും ആവശ്യത്തെ പിന്തുണക്കില്ലെന്ന് അമേരിക്ക. യു.എന്നിലെ യു.എസ് പ്രതിനിധി റോബർട്ട് വുഡ് ആണ് നിലപാട് അറിയിച്ചത്. ഹമാസ് ഇസ്രായേലിന് ഇപ്പോഴും ഭീഷണി ആയതിനാൽ വെടിനിർത്തലിന് സമയപരിധി വെക്കാൻ ഇസ്രായേലിനെ നിർബന്ധിക്കാനാവില്ലെന്ന് അദ്ദേഹം കൂട്ടിച്ചേർത്തു.

അതിനിടെ അധിനിവിഷ്ട വെസ്റ്റ് ബാങ്കിൽ വെള്ളിയാഴ്ച ആറ് ഫലസ്തീനികൾ ഇസ്രായേൽ വെടിവെപ്പിൽ കൊല്ലപ്പെട്ടു. തുബാസിന് സമീപം അൽ ഫറ അഭയാർഥി ക്യാമ്പിലാണ് അക്രമം. ഗസ്സയിൽ യുദ്ധം ആരംഭിച്ച ശേഷം 263 ഫലസ്തീനികളെ ഇസ്രായേൽ സൈന്യം വെസ്റ്റ് ബാങ്കിൽ കൊലപ്പെടുത്തിയിട്ടുണ്ട്. അതിനിടെ ഗസ്സയിൽ ഹമാസും ഇസ്രായേലും തമ്മിലുള്ള ഏറ്റുമുട്ടൽ രൂക്ഷമായി തുടരുകയാണ്. 17,487 ഫലസ്തീനികൾ ഗസ്സയിൽ ഇതുവരെ കൊല്ലപ്പെട്ടു. 46,480 പേർക്ക് പരിക്കേറ്റു.