വെ​നി​​സ്വേ​ല​ൻ കു​ടി​യേ​റ്റ​ക്കാ​രെ നാ​ടു​ക​ട​ത്താ​നു​ള്ള ട്രംപിന്‍റെ നീ​ക്കം തടഞ്ഞ് സുപ്രീംകോടതി

വാ​ഷി​ങ്ട​ൺ: യു​ദ്ധ​കാ​ല നി​യ​മ​പ്ര​കാ​രം വെ​നി​​സ്വേ​ല​ൻ കു​ടി​യേ​റ്റ​ക്കാ​രെ നാ​ടു​ക​ട​ത്താ​നു​ള്ള യു.​എ​സ് സ​ർ​ക്കാ​ർ നീ​ക്കം സു​പ്രീം​കോ​ട​തി ത​ട​ഞ്ഞു. വെ​നി​​സ്വേ​ല​ൻ പൗ​ര​ന്മാ​രു​ടെ അ​ടി​യ​ന്ത​ര ഹ​ര​ജി പ​രി​ഗ​ണി​ച്ചാ​ണ് സു​പ്രീം​കോ​ട​തി ഉ​ത്ത​ര​വ്. ഗു​ണ്ട സം​ഘ​ത്തി​ലെ അം​ഗ​ങ്ങ​ളാ​ണെ​ന്ന് മു​ദ്ര​കു​ത്തി​യാ​ണ് വെ​നി​​സ്വേ​ല​ൻ പൗ​ര​ന്മാ​രെ 1798ലെ ​അ​ലി​യ​ൻ എ​നി​മീ​സ് നി​യ​മ​പ്ര​കാ​രം നാ​ടു​ക​ട​ത്താ​ൻ ശ്ര​മി​ച്ച​ത്.

നി​രോ​ധി​ക്ക​പ്പെ​ട്ട ട്രെ​ൻ ഡി ​അ​രാ​ഗ്വ എ​ന്ന വി​ദേ​ശ ഭീ​ക​ര​സം​ഘ​ട​ന​യി​ലെ അം​ഗ​ങ്ങ​ളാ​യാ​ണ് വെ​നി​​സ്വേ​ല​ൻ കു​ടി​യേ​റ്റ​ക്കാ​രെ ക​ണ​ക്കാ​ക്കി​യി​രു​ന്ന​ത്. സ​ർ​ക്കാ​റി​ന്റെ ദേ​ശീ​യ സു​ര​ക്ഷ താ​ൽ​പ​ര്യ​ങ്ങ​ളു​ടെ പ്രാ​ധാ​ന്യം മ​ന​സ്സി​ലാ​ക്കു​ന്നെ​ന്നും എ​ന്നാ​ൽ, ഭ​ര​ണ​ഘ​ട​ന​ക്ക് അ​നു​സൃ​ത​മാ​യി മാ​ത്ര​മേ അ​ത്ത​രം താ​ൽ​പ​ര്യ​ങ്ങ​ൾ മു​ന്നോ​ട്ടു​കൊ​ണ്ടു​പോ​കാ​ൻ ക​ഴി​യൂ​വെ​ന്നും കോ​ട​തി നി​രീ​ക്ഷി​ച്ചു.

ആ​യി​ര​ക്ക​ണ​ക്കി​ന് നി​യ​മ​വി​രു​ദ്ധ കു​ടി​യേ​റ്റ​ക്കാ​രെ നാ​ടു​ക​ട​ത്താ​നു​ള്ള യു.​എ​സ് പ്ര​സി​ഡ​ന്റ് ഡോ​ണ​ൾ​ഡ് ട്രം​പി​ന്റെ നീ​ക്ക​ത്തി​നു​ള്ള തി​രി​ച്ച​ടി​യാ​ണ് കോ​ട​തി ഉ​ത്ത​ര​വ്. കോ​ട​തി വി​ധി​യി​ൽ ട്രം​പ് ക​ടു​ത്ത അ​തൃ​പ്തി പ്ര​ക​ടി​പ്പി​ച്ചു. രാ​ജ്യ​ത്തു​നി​ന്ന് ക്രി​മി​ന​ലു​ക​ളെ പു​റ​ത്താ​ക്കാ​ൻ സു​പ്രീം​കോ​ട​തി അ​നു​വ​ദി​ക്കി​ല്ലെ​ന്ന് അ​ദ്ദേ​ഹം സ്വ​ന്തം സ​മൂ​ഹ മാ​ധ്യ​മ​മാ​യ ക്രൂ​ത്ത് സോ​ഷ്യ​ലി​ൽ പ്ര​തി​ക​രി​ച്ചു.

കു​ടി​യേ​റ്റ​ക്കാ​രെ യു​ദ്ധ​കാ​ല നി​യ​മ​പ്ര​കാ​രം നാ​ടു​ക​ട​ത്തു​ന്ന​ത് ക​ഴി​ഞ്ഞ മാ​സം കോ​ട​തി താ​ൽ​ക്കാ​ലി​ക​മാ​യി ത​ട​ഞ്ഞി​രു​ന്നു. സ​മാ​ന​മാ​യ നി​ര​വ​ധി കേ​സു​ക​ളാ​ണ് യു.​എ​സ് ഫെ​ഡ​റ​ൽ കോ​ട​തി​ക​ളി​ലു​ള്ള​ത്.