തൃശൂർ: മുൻ ആയുർവേദ ഡയറക്ടറും ആയുർവേദ ചികിത്സാ രംഗത്തെ പ്രമുഖനുമായ ഡോ. പി.ആർ. പ്രേമലാൽ (79) നിര്യാതനായി. ഇന്നലെ രാത്രിയായിരുന്നു അന്ത്യം.
തിരുവനന്തപുരം ആയുർവേദ കോളേജിൽ നിന്ന് ബിരുദവും ബിരുദാനന്തര ബിരുദവും ഒന്നാം റാങ്കോടെ പൂർത്തിയാക്കിയ അദ്ദേഹം. ജില്ല മെഡിക്കൽ ഓഫീസർ, ജോയിന്റ് ഡയറക്ടർ, ഒടുവിൽ ആയുർവേദ ഡയറക്ടർ എന്നീ നിലകളിൽ സേവനമനുഷ്ഠിച്ചു. ആയുർവേദ ഡയറക്ടറായിരുന്നപ്പോൾ സംസ്ഥാനത്തുടനീളം നൂറിലധികം പുതിയ ആയുർവേദ ആശുപത്രികൾ സ്ഥാപിച്ചു. പാലക്കാട് ശാന്തിഗിരി ആയുർവേദ മെഡിക്കൽ കോളേജിന്റെ പ്രിൻസിപ്പലായിരുന്നു.
പരേതനായ പൊക്കഞ്ചേരി രാമകൃഷ്ണൻ വൈദ്യരുടെ മകനാണ്.
ഭാര്യ: വാസന്തി പ്രേമലാൽ. മക്കൾ: ദേവൻ, ഡോ. ദേവി രവീഷ്. മരുമകൻ: ഡോ. രവീഷ്.
സംസ്കാരം ഞായറാഴ്ച വൈകീട്ട് മൂന്നിന് വീട്ടിൽ നടക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.