മണികണ്​ഠനാൽത്തറ; സ്മരണങ്ങൾ ഇരമ്പുന്നു

തൃ​ശൂ​ർ തേ​ക്കി​ൻ​കാ​ട്​ മൈ​താ​നി​യി​ലെ മ​ണി​ക​ണ്​​ഠ​നാ​ൽ​ത്ത​റ​യി​ൽ സ്മ​ര​ണ​ക​ളി​ര​മ്പു​ക​യാ​ണ്. രാ​ജ്യം 79ാം സ്വാ​ത​ന്ത്ര്യദി​നം ആ​ഘോ​ഷി​ക്കു​​മ്പോ​ൾ തേ​ക്കി​ൻ​കാ​ടും മ​ണി​ക​ണ്​​ഠ​നാ​ൽ​ത്ത​റ​യും ആ ​പോ​രാ​ട്ടനാ​ളു​ക​ളു​ടെ നേ​ർ​ച്ചി​​ത്ര​മാ​ണ്​ പ​ക​ർ​ന്നു​ന​ൽ​കു​ന്ന​ത്. മ​ഹാ​ത്​​മാ ഗാ​ന്ധി​യു​ടെ​യും സ​രോ​ജി​നി നാ​യി​ഡു​വി​ന്‍റെ​യും അ​ട​ക്കം സ​ന്ദ​ർ​ശ​ന​ങ്ങ​ളും പ്ര​സം​ഗ​ങ്ങ​ളും നി​റ​ഞ്ഞ​ത്​ ഇ​വി​ടെ​യാ​ണ്. ക്വി​റ്റ്​ ഇ​ന്ത്യ സ​മ​ര​ത്തി​ന്‍റെ തു​ട​ക്ക​ത്തി​നും മ​ണി​ക​ണ്​​ഠ​നാ​ൽ​ത്ത​റ സാ​ക്ഷി​യാ​യി.

തൃ​ശൂ​രി​ന്‍റെ സ്വാ​ത​ന്ത്ര്യസ​മ​ര​ത്തി​ന്‍റെ മു​ഖ​മാ​യി​രു​ന്നു മ​ണി​ക​ണ്​​ഠ​നാ​ൽ​ത്ത​റ. മ​ഹാ​ത്മാ​ ഗാ​ന്ധി ഉ​ൾ​പ്പെ​ടെ നേ​താ​ക്ക​ളെ​ല്ലാം പ്ര​സം​ഗി​ച്ച​ത് ഇ​വി​ടെ​യാ​യി​രു​ന്നു. ജ​വ​ഹ​ർ​ലാ​ൽ നെ​ഹ്​​റു, സ​രോ​ജി​നി നാ​യി​ഡു ഉ​ൾപ്പെ​ടെ​യു​ള്ള നേ​താ​ക്ക​ൾ ഇ​വി​ടെ എ​ത്തി. ക്വി​റ്റ് ഇ​ന്ത്യ സ​മ​ര​ത്തി​ന് തു​ട​ക്ക​മി​ട്ട​തും ഇ​വി​ടെയാ​യി​രു​ന്നു.

1942 ആ​ഗ​സ്റ്റ്‌ 11ന് ​മ​ണി​ക​ണ്ഠ​നാ​ൽ​ത്ത​റ​യി​ൽ മൂ​വ​ർ​ണ​ക്കൊ​ടി ഉ​യ​ർ​ത്താ​ൻ ശ്ര​മി​ച്ച സ്വാ​ത​ന്ത്ര്യ​സ​മ​രസേ​നാ​നി​ക​ൾ​ക്കു​നേ​രേ പൊ​ലീ​സ് ലാ​ത്തി​ച്ചാ​ർ​ജ് ന​ട​ത്തി​യ​ത് സ്വാ​ത​ന്ത്ര്യ​സ​മ​ര പോരാ​ട്ട​ത്തി​ലെ മ​റ​ക്കാ​നാ​കാ​ത്ത ച​രി​ത്ര​മാ​ണ്. സ്വാ​ത​ന്ത്ര്യ​ത്തി​നുശേ​ഷം സ്വാ​ത​ന്ത്ര്യ​ദി​ന-റിപ്പ​ബ്ലി​ക്ദി​ന പ​രേ​ഡു​ക​ളു​ടെ​യും ആ​ഘോ​ഷ​ങ്ങ​ളു​ടെ​യും കേ​ന്ദ്ര​വും തേ​ക്കി​ൻ​കാ​ട്​ മൈ​താ​ന​മാ​യി മാ​റി.

കു​റൂ​ർ നീ​ല​ക​ണ്ഠ​ൻ ന​മ്പൂ​തി​രി​പ്പാ​ട്, മു​ഹ​മ്മ​ദ്​ അ​ബ്​​ദു​റ​ഹ്​​മാ​ൻ സാ​ഹി​ബ്, വി.​ആ​ർ. കൃ​ഷ്ണ​നെ​ഴു​ത്ത​ച്ഛ​ൻ, ടി.​സി. കൊ​ച്ചു​കു​ട്ടി​യ​മ്മ, എം.​വി. അ​ബൂ​ബ​ക്ക​ർ, പി. ​ഭാ​സ്ക​ര​ൻ മാ​ഷ്, വി​രൂ​പാ​ക്ഷ​ൻ ന​മ്പൂ​തി​രി, നാ​യ​രു​ശ്ശേ​രി ദാ​മോ​ദ​ര​ൻ, തി​രു​വ​ത്ര ദാ​മോ​ദ​ര​ൻ എ​ന്നി​വ​രെ​ല്ലാം തൃ​ശൂ​രി​​ന്‍റെ സ്വാ​ത​ന്ത്ര്യ​സ​മ​ര പോ​രാ​ട്ട​ത്തി​ന്‍റെ ക​ന​ൽ​ച്ചൂ​ടി​നെ ഊ​തി​ക്ക​ത്തി​ച്ച​വ​രാ​ണ്.

ഗു​രു​വാ​യൂ​ർ സത്യ​ഗ്ര​ഹം, കു​ട്ടം​കു​ളം സ​മ​രം, മ​ണി​മ​ല​ർ​ക്കാ​വ്​ മാ​റു​മ​റ​യ്ക്ക​ൽ സ​മ​രം തു​ട​ങ്ങിയവ ഈ ​നാ​ടി​ന്‍റെ എ​ന്നും ഓ​ർ​ക്കു​ന്ന പോ​രാ​ട്ട​ങ്ങ​ളു​മാ​ണ്.

1942 ആ​ഗ​സ്റ്റ്​ 12ന്​ ​മ​ണി​ക​ണ്ഠ​നാ​ൽ​ത്ത​റ​യി​ൽ മൂ​വ​ർ​ണ​ക്കൊ​ടി ഉ​യ​ർ​ത്താ​ൻ ​ശ്ര​മി​ച്ച സ്വാ​ത​ന്ത്ര്യ​സ​മ​ര സേ​നാ​നി​ക​ൾ​ക്കെ​തി​രെ പൊ​ലീ​സ്​ നി​ഷ്ഠുര​മാ​യ ലാ​ത്തി​ച്ചാ​ർ​ജാ​ണ്​ ന​ട​ത്തി​യ​ത്. ആ ​കൗ​മാ​ര​ക്കാ​ർ പി​ൻ​മാ​റാ​തെ മൂ​വ​ർ​ണ​ക്കൊ​ടി​യു​യ​ർ​ത്തി. അ​വ​രി​ൽ ഒ​രാ​ളാ​യി​രു​ന്നു പി​ന്നീ​ട്​ തൃ​ശൂ​രി​ന്‍റെ​യും കേ​ര​ള​ത്തി​ന്‍റെ​യും ലീ​ഡ​റാ​യി മാ​റി​യ കെ. ​ക​രു​ണാ​ക​ര​ൻ.

മ​ല​ബാ​റി​ലെ​യും തി​രു​വി​താം​കൂ​റി​ലെ​യും സ്വാ​ത​ന്ത്ര്യ​സ​മ​ര പോ​രാ​ട്ട​ങ്ങ​ളു​ടെ വാ​ർ​ത്ത​ക​ൾ മ​ണി​ക​ണ്ഠ​നാൽ​ത്ത​റ​യി​ലാ​ണ്​ ഉ​റ​ക്കെ വാ​യി​ച്ചി​രു​ന്ന​ത്. വി​ദേ​ശ വ​സ്​​​ത്ര​ങ്ങ​ൾ ശേ​ഖ​രി​ച്ച്​ ക​ത്തി​ച്ചി​രു​ന്ന​തും ഇ​വി​ടെ​യാ​യി​രു​ന്നു. പു​ത്ത​ൻ​പേ​ട്ട കി​ഴ​ക്കേ അ​ങ്ങാ​ടി​യി​ലെ പൂ​വ​ത്തി​ങ്ക​ൽ സെ​ബാ​സ്റ്റ്യ​ൻ ആ​യി​രു​ന്നു ര​ണ്ട്​ കാ​ര്യ​ങ്ങ​ൾ​ക്കും മു​ന്നി​ൽ നി​ന്നി​രു​ന്ന​ത്.

ഈ ​സ്വാ​ത​ന്ത്ര്യ​ദി​ന​ത്തി​ലും മു​ൻ​കാ​ല പോ​രാ​ട്ട​ങ്ങ​ളു​ടെ ഓ​ർ​മ​യി​ൽ തേ​ക്കി​ൻ​കാ​ട്​ മൈ​താ​നി​യി​ൽ ദേ​ശീ​യ പ​താ​ക ഉ​യ​ർ​ത്ത​ലും സ്വാ​ത​ന്ത്ര്യദി​ന പ​രേ​ഡും അ​ട​ക്കം ന​ട​ക്കും.