കന്യാസ്ത്രീകൾക്ക് ഇന്നും മോചനമില്ല; ജാമ്യാപേക്ഷയിൽ വിധി നാളെ; ജാമ്യത്തെ എതിർത്ത് ഛത്തീസ്ഗഢ് സർക്കാർ

ന്യൂ​ഡ​ൽ​ഹി: മ​നു​ഷ്യ​ക്ക​ട​ത്തും നി​ർ​ബ​ന്ധ മ​ത​പ​രി​വ​ർ​ത്ത​ന​വും ആ​രോ​പി​ച്ച് ഛത്തി​സ്ഗ​ഢി​ലെ ബി.​ജെ.​പി സ​ർ​ക്കാ​ർ ജ​യി​ലി​ല​ട​ച്ച മ​ല​യാ​ളി ക​ന്യാ​സ്ത്രീ​ക​ളാ​യ സി​സ്റ്റ​ർ വ​ന്ദ​ന ഫ്രാ​ൻ​സി​സ്, സി​സ്റ്റ​ർ പ്രീ​തി മേ​രി എ​ന്നി​വ​രു​ടെ മോ​ച​നം നീ​ളു​ന്ന​തി​നി​ടെ, മൂ​ന്നാ​മ​ത്തെ ജാ​മ്യാ​പേ​ക്ഷ​യി​ൽ വാ​ദം പൂ​ർ​ത്തി​യാ​ക്കി വി​ധി പ​റ​യാ​ൻ മാ​റ്റി. ബി​ലാ​സ്പു​ർ എ​ൻ.​ഐ.​എ പ്ര​ത്യേ​ക കോ​ട​തി​യി​ലെ വാ​ദ​ത്തി​നി​ട​യി​ൽ ജാ​മ്യം ന​ൽ​കു​ന്ന​തി​നെ പ്രോ​സി​ക്യൂ​ഷ​ന്‍ ശ​ക്ത​മാ​യി എ​തി​ര്‍ത്തു. എ​ങ്കി​ലും കേ​ന്ദ്ര ആ​ഭ്യ​ന്ത​ര മ​ന്ത്രി അ​മി​ത് ഷാ ​ജാ​മ്യം കി​ട്ടു​മെ​ന്ന് ഉ​റ​പ്പു​ന​ൽ​കി​യ​തി​നാ​ൽ പ്ര​​ത്യേ​ക കോ​ട​തി വി​ധി പു​റ​പ്പെ​ടു​വി​ക്കു​മ്പോ​ൾ അ​ത് അ​നു​കൂ​ല​മാ​കു​മെ​ന്ന പ്ര​തീ​ക്ഷ​യി​ലാ​ണ് ക​ന്യാ​സ്‍ത്രീ​ക​ളും വൈ​ദി​ക​രും.

കേ​സി​ൽ വാ​ദം പൂ​ർ​ത്തി​യാ​ക്കി​യ​തി​നാ​ൽ ശ​നി​യാ​ഴ്ച വി​ധി പ​റ​യു​മെ​ന്നാ​ണ് പ്ര​തീ​ക്ഷ. ശ​നി​യാ​ഴ്ച വി​ധി വ​ന്നി​ല്ലെ​ങ്കി​ൽ ഞാ​യ​റാ​ഴ്ച അ​വ​ധി​യാ​യ​തി​നാ​ൽ ജ​യി​ൽ വാ​സം വീ​ണ്ടും നീ​ളും. വി​ധി പ്ര​തി​കൂ​ല​മാ​യാ​ൽ നാ​ലാ​മ​തൊ​രു ജാ​മ്യാ​പേ​ക്ഷ​യു​മാ​യി ഹൈ​കോ​ട​തി​യെ സ​മീ​പി​ക്കേ​ണ്ടി വ​രും. സാ​ധാ​ര​ണ ഗ​തി​യി​ൽ 14 ദി​വ​സ​ത്തെ റി​മാ​ൻ​ഡ് ക​ഴി​ഞ്ഞാ​ൽ കോ​ട​തി​ക്ക് ജാ​മ്യം അ​നു​വ​ദി​ക്കാ​വു​ന്ന​താ​ണ്. എ​ന്നാ​ൽ, അ​ന്വേ​ഷ​ണം പ്രാ​ഥ​മി​ക ഘ​ട്ട​ത്തി​ലാ​ണ് എ​ന്ന വാ​ദം ഉ​യ​ര്‍ത്തി​യാ​ണ് പ്രോ​സി​ക്യൂ​ഷ​ന്‍ ക​ന്യാ​സ്ത്രീ​ക​ൾ​ക്ക് ജാ​മ്യം ന​ൽ​കു​ന്ന​തി​നെ എ​തി​ര്‍ത്ത​ത്. ക്രി​സ്ത്യ​ൻ സ​മു​ദാ​യ​ത്തി​ന്റെ​യും പ്ര​തി​പ​ക്ഷ​ത്തി​ന്റെ​യും പ്ര​തി​ഷേ​ധം ക​ന​ക്കു​ന്ന​തി​നി​ടെ പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യും ആ​ഭ്യ​ന്ത​ര മ​ന്ത്രി അ​മി​ത് ഷാ​യും ഡ​ൽ​ഹി​യി​ലു​ള്ള ഛത്തി​സ്ഗ​ഢ് മു​ഖ്യ​മ​​ന്ത്രി​യു​മാ​യി ച​ർ​ച്ച ന​ട​ത്തി. പാ​ർ​ല​മെൻറ് മ​ന്ദി​ര​ത്തി​ലെ​ത്തി​യാ​യി​രു​ന്നു ഛത്തി​സ്ഗ​ഢ് മു​ഖ്യ​മ​​ന്ത്രി ഇ​രു​വ​രെ​യും ക​ണ്ട​ത്. ​​

നി​യ​മം നി​യ​മ​ത്തി​ന്റെ വ​ഴി​ക്ക് പോ​കു​മെ​ന്ന് കൂ​ടി​ക്കാ​ഴ്ച​ക്കു​മു​മ്പ് പ്ര​തി​ക​രി​ച്ച മു​ഖ്യ​മ​ന്ത്രി, കേ​സ് ഹൈ​കോ​ട​തി​യി​ലാ​ണെ​ന്നും കോ​ട​തി​യാ​ണ് ഇ​നി തീ​രു​മാ​നി​ക്കേ​ണ്ട​തെ​ന്നും കൂ​ടി​ക്കാ​ഴ്ച​ക്കു​ശേ​ഷം പ്ര​തി​ക​രി​ച്ചു. മോ​ദി​യെ​യും അ​മി​ത് ഷാ​യെ​യും കാ​ണും മു​മ്പ് ഛത്തി​സ്ഗ​ഢ് മു​ഖ്യ​മ​ന്ത്രി, ക​ന്യാ​സ്ത്രീ​ക​ൾ​ക്കൊ​പ്പ​മു​ണ്ടാ​യി​രു​ന്ന പെ​ൺ​കു​ട്ടി​ക​ളു​ടെ നാ​ടാ​യ അ​ബൂ​ജു​മാ​ഡ് ഉ​ൾ​ക്കൊ​ള്ളു​ന്ന ബ​സ്ത​ർ ലോ​ക്സ​ഭ എം.​പി മ​ഹേ​ഷ് ക​ശ്യ​പി​നെ പാ​ർ​ല​മെ​ന്റി​ൽ ക​ണ്ടി​രു​ന്നു. ക​ന്യാ​സ്ത്രീ​ക​ൾ മ​ത​പ​രി​വ​ർ​ത്ത​ന​ത്തി​ന് പ്രേ​രി​പ്പി​ച്ചു​വെ​ന്ന് അ​പ്പോ​ഴും മാ​ധ്യ​മ​പ്ര​വ​ർ​ത്ത​ക​ർ​ക്ക് മു​മ്പാ​കെ ക​ശ്യ​പ് ആ​രോ​പി​ച്ചു.

ഛത്തി​സ്ഗ​ഢ് സ​ർ​ക്കാ​റും ബി.​ജെ.​പി നേ​താ​ക്ക​ളും കോ​ട​തി​യി​ൽ പ്രോ​സി​ക്യൂ​ഷ​നും ക​ന്യാ​സ്ത്രീ​ക​ൾ​ക്കെ​തി​രാ​യ നി​ല​പാ​ടി​ൽ വി​ട്ടു​വീ​ഴ്ച ചെ​യ്യാ​തി​രി​ക്കു​മ്പോ​ഴും അ​മി​ത് ഷാ ​ന​ൽ​കി​യ ഉ​റ​പ്പു വി​ശ്വ​സി​ച്ച് ജ​യി​ൽ​മോ​ച​നം പ്ര​തീ​ക്ഷി​ച്ച് കേ​ര​ള​ത്തി​ൽ നി​ന്നു​ള്ള യു.​ഡി.​എ​ഫ്, എ​ൽ.​ഡി.​എ​ഫ് എം.​പി​മാ​ർ ര​ണ്ടു സം​ഘ​ങ്ങ​ളാ​യി വെ​വ്വേ​റെ വെ​ള്ളി​യാ​ഴ്ച ഛത്തി​സ്ഗ​ഢി​ലെ​ത്തി​യി​ട്ടു​ണ്ട്. കൊ​ടി​ക്കു​ന്നി​ൽ സു​രേ​ഷ്, ആ​ന്റോ ആ​ന്റ​ണി, ഡീ​ൻ കു​ര്യാ​ക്കോ​സ്, ഹൈ​ബി ഈ​ഡ​ൻ, രാ​ജ്മോ​ഹ​ൻ ഉ​ണ്ണി​ത്താ​ൻ, ജോ​ൺ ബ്രി​ട്ടാ​സ്, പി. ​സ​ന്തോ​ഷ് കു​മാ​ർ എ​ന്നി​വ​രാ​ണ് ദു​ർ​ഗി​ലെ​ത്തി​യ​ത്.

ആരോപണം ആവർത്തിച്ച് ഛത്തിസ്ഗഢ് മുഖ്യമന്ത്രി

ന്യൂ​ഡ​ൽ​ഹി: മ​നു​ഷ്യ​ക്ക​ട​ത്തി​നും നി​ർ​ബ​ന്ധ മ​ത​പ​രി​വ​ർ​ത്ത​ന​ത്തി​നും മ​ല​യാ​ളി ക​ന്യാ​സ്ത്രീ​ക​ൾ അ​റ​സ്റ്റി​ലാ​യ സം​ഭ​വ​ത്തി​ന് രാ​ഷ്ട്രീ​യ നി​റം ന​ൽ​കു​ക​യാ​ണെ​ന്ന് ഛത്തി​സ്ഗ​ഢ് മു​ഖ്യ​മ​ന്ത്രി വി​ഷ്ണു​ദേ​വ് സാ​യ് വി​മ​ർ​ശി​ച്ചു. ന​ഴ്സി​ങ് പ​രി​ശീ​ല​ന​വും തു​ട​ർ​ന്ന് ജോ​ലി​യും വാ​ഗ്ദാ​നം ചെ​യ്ത​തി​നെ തു​ട​ർ​ന്നാ​ണ് നാ​രാ​യ​ൺ​പു​രി​ൽ​നി​ന്നു​ള്ള ഒ​രാ​ൾ മൂ​ന്ന് പെ​ൺ​ക​ു​ട്ടി​ക​ളെ​യും ക​ന്യാ​സ്ത്രീ​ക​ൾ​ക്ക് കൈ​മാ​റി​യ​തെ​ന്നും ഇ​ത് മ​നു​ഷ്യ​ക്ക​ട​ത്തും മ​ത​പ​രി​വ​ർ​ത്ത​ന ശ്ര​മ​വു​മാ​​ണെ​ന്നും മു​ഖ്യ​മ​ന്ത്രി പ​റ​ഞ്ഞു. സ്ത്രീ​ക​ളു​ടെ സു​ര​ക്ഷ​യു​മാ​യി ബ​ന്ധ​പ്പെ​ട്ട ഗു​രു​ത​ര വി​ഷ​യ​മാ​ണി​ത്. അ​ന്വേ​ഷ​ണം ന​ട​ന്നു​കൊ​ണ്ടി​രി​ക്കു​ക​യാ​ണ്. വി​ഷ​യം കോ​ട​തി​യി​ലാ​ണ്. നി​യ​മം അ​തി​ന്റെ വ​ഴി​ക്ക് നീ​ങ്ങു​മെ​ന്നും മു​ഖ്യ​മ​ന്ത്രി പ​റ​ഞ്ഞു.