പിണറായി വിജയൻ
തിരുവനന്തപുരം: കെ-ഫോൺ പദ്ധതി സർക്കാർ നടപ്പിലാക്കിയപ്പോൾ അതിനെ തകർക്കാൻ കുറച്ചാളുകൾ രംഗത്തുണ്ടായിരുന്നുവെന്നും അതിനെ അതിജീവിച്ചാണ് മുന്നോട്ടുപോകുന്നതെന്നും മുഖ്യമന്ത്രി പിണറായി വിജയൻ. സംസ്ഥാനത്തിന്റെ സ്വന്തം ഇന്റര്‍നെറ്റ് ബ്രോഡ്ബാന്ഡ് കണക്ഷനായ കെ-ഫോണിൽ ഒ.ടി.ടി സേവനം ലഭ്യമാവുന്നതിന്‍റെ ഉദ്ഘാടനം നിർവഹിക്കുകയായിരുന്നു മുഖ്യമന്ത്രി.
തകർക്കാൻ ശ്രമിച്ചാൽ കൂടുതൽ കരുത്തോടെ ഉയർന്നുവരികയാണ്. കെ-ഫോണിന്‍റെ കാര്യത്തിലടക്കം ഇതാണ് സംഭവിക്കുന്നത്. ആദിവാസി ഊരുകളിലും ദ്വീപ് പ്രദേശങ്ങളിലുമടക്കം ഇന്‍റർനെറ്റ് എത്തിക്കാൻ കഴിഞ്ഞത് കെ-ഫോണിന്‍റെ നേട്ടമാണ്. എന്നാൽ ഇക്കാര്യങ്ങൾ ജനങ്ങളിലെത്തിക്കുന്നതിന് പകരം മാധ്യമങ്ങൾ ധർമം മറക്കുകയായിരുന്നു. ആശങ്കകൾ അസ്ഥാനത്താക്കി ചുരുങ്ങിയ കാലത്തിനുള്ളിൽ വലിയ നേട്ടം കൈവരിക്കാൻ കെ-ഫോണിനായെന്നും മുഖ്യമന്ത്രി പറഞ്ഞു.
വി.കെ. പ്രശാന്ത് എം.എൽ.എ അധ്യക്ഷത വഹിച്ചു. കെ-ഫോണ്‍ എം.ഡി ഡോ. സന്തോഷ് ബാബു റിപ്പോര്‍ട്ട് അവതരിപ്പിച്ചു. ഐ.ടി മിഷന്‍ ഡയറക്ടര്‍ സന്ദീപ് കുമാര്‍, ഐ.ടി വകുപ്പ് സ്‌പെഷല്‍ സെക്രട്ടറി സീറാം സാംബശിവറാവു, കെ-ഫോണ്‍ സി.ടി.ഒ മുരളി കിഷോര്‍ ആര്‍.എസ് എന്നിവർ സംസാരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.