വിട, വിവരങ്ങൾക്ക്

‘അ​വ​ശേ​ഷി​ക്കു​ന്ന​ത് വി​വ​രാ​വ​കാ​ശ നി​യ​മ​മ​ല്ല; വി​വ​ര തി​ര​സ്ക​ര​ണ നി​യ​മ​മാ​ണെ’ന്ന് ശശി തരൂർ പറഞ്ഞപോലെ, വി​വ​രാ​വ​കാ​ശ നി​യ​മ​ത്തി​ൽ നി​ന്ന് ഓ​രോ വകുപ്പുകളും വിഭാഗങ്ങളുമായി ഒ​ഴി​വാ​ക്ക​പ്പെ​ടുക​യാ​ണി​ന്ന്. സ​ര്‍ക്കാ​ര്‍ പ്ര​വ​ര്‍ത്ത​ന​ങ്ങ​​െളക്കുറിച്ച് പൗ​ര​ന്മാ​ര്‍ക്ക് വി​വ​ര​ങ്ങ​ള്‍ നേ​ടാ​നും ഭരണ സു​താ​ര്യ​ത പ്രോ​ത്സാ​ഹി​പ്പി​ക്കു​ന്ന​തി​നുമായി സ്വാ​ത​ന്ത്ര്യാ​ന​ന്ത​ര ഭാ​ര​ത​ത്തിൽ നിർമിക്കപ്പെട്ട ഏ​റ്റ​വും ശ്ര​ദ്ധേ​യ ജ​ന​കേ​ന്ദ്രീ​കൃ​ത നി​യ​മ​ങ്ങ​ളി​ലൊ​ന്നാ​യ വി​വ​രാ​വ​കാ​ശ നി​യ​മ​ത്തെ ത​ള​ർ​ത്താ​ൻ കേ​ന്ദ്ര- സം​സ്ഥാ​ന സ​ർ​ക്കാ​റു​ക​ൾ ന​ട​ത്തു​ന്ന ശ്ര​മ​ങ്ങ​ളി​ലൂ​ടെ...

ഒ​ന്നാം യു.​പി.​എ സ​ർ​ക്കാ​റി​ന്റെ ഏ​റ്റ​വും മി​ക​ച്ച ചു​വ​ടു​വെ​പ്പു​ക​ളി​ലൊ​ന്നാ​യി​രു​ന്ന വി​വ​രാ​വ​കാ​ശ നി​യ​മ​ത്തി​ന് 20 വ​യ​സ്സാ​കാ​ൻ പോ​കു​ന്നു. ഭ​ര​ണ​സു​താ​ര്യ​ത ഉ​റ​പ്പു​വ​രു​ത്താ​നും ഭ​ര​ണാ​ധി​കാ​രി​ക​ളെ ജ​ന​ങ്ങ​ൾ​ക്ക് ഓ​ഡി​റ്റ് ചെ​യ്യാ​നു​മു​ള്ള ഏ​റ്റ​വും മി​ക​ച്ച മാ​ർ​ഗ​മെ​ന്ന സ​ങ്ക​ൽ​പ​ത്തി​ലാ​ണ് ഇ​ത്ത​ര​മൊ​രു വി​പ്ല​വാ​ത്മ​ക​മാ​യ നീ​ക്കം അ​ന്ന​ത്തെ മ​ൻ​മോ​ഹ​ൻ സ​ർ​ക്കാ​ർ ന​ട​ത്തി​യ​ത്.

ജ​ന​ങ്ങ​ളു​ടെ അ​റി​യാ​നു​ള്ള ഭ​ര​ണ​ഘ​ട​നാ​പ​ര​മാ​യ അ​വ​കാ​ശ​ത്തി​ന് നി​യ​മ​പ​ര​വും വ്യ​വ​സ്ഥാ​പി​ത​വു​മാ​യ ച​ട്ട​ക്കൂ​ടൊ​രു​ക്ക​പ്പെ​ടു​ക​യാ​യി​രു​ന്നു ഈ ​നി​യ​മ​ത്തി​ലൂ​ടെ. വി​വ​രാ​വ​കാ​ശ നി​യ​മം വ​ലി​യ മാ​റ്റ​ങ്ങ​ൾ ന​മ്മു​ടെ രാ​ജ്യ​ത്ത് കൊ​ണ്ടു​വ​ന്നി​ട്ടു​ണ്ട്; ‘വി​വ​രാ​വ​കാ​ശ പ്ര​വ​ർ​ത്ത​നം’ എ​ന്നൊ​രു സം​ജ്ഞ​ത​ന്നെ രൂ​പ​പ്പെ​ട്ടി​ട്ടു​ണ്ട്. അ​ന്വേ​ഷ​ണാ​ത്മ​ക മാ​ധ്യ​മ​പ്ര​വ​ർ​ത്ത​ന​ത്തെ കൂ​ടു​ത​ൽ ആ​ധി​കാ​രി​ക​മാ​ക്കാ​നും ഈ ​നി​യ​മ​ത്തി​ലൂ​ടെ സാ​ധി​ച്ചു.

എ​ന്നാ​ൽ, അ​ധി​കാ​രി​വ​ർ​ഗ​ത്തെ സം​ബ​ന്ധി​ച്ച് നി​യ​മം ചെ​റു​ത​ല്ലാ​ത്ത ത​ല​വേ​ദ​ന​യും സൃ​ഷ്ടി​ച്ചി​ട്ടു​ണ്ട്. ഭ​ര​ണ​ത​ല​ത്തി​ൽ ന​ട​ന്ന പ​ല അ​ഴി​മ​തി​യും ‘വി​വ​രാ​വ​കാ​ശ പ്ര​വ​ർ​ത്ത​ക​ർ’ പു​റ​ത്തു​കൊ​ണ്ടു​വ​ന്ന​തും ജ​ന​ങ്ങ​ളു​ടെ ചോ​ദി​ക്കാ​നും അ​റി​യാ​നു​മു​ള്ള അ​വ​കാ​ശ​ത്തി​ന് നി​യ​മ​ത്തി​ലൂ​ടെ പു​ത്ത​ൻ മാ​നം കൈ​വ​ന്ന​തു​മെ​ല്ലാം ഭ​ര​ണ​വ​ർ​ഗ​ത്തി​ന് ക്ഷീ​ണ​മാ​യി​രു​ന്നു. അ​തു​കൊ​ണ്ടു​ത​ന്നെ, നി​യ​മം പ്രാ​ബ​ല്യ​ത്തി​ൽ വ​ന്ന​തു​മു​ത​ൽ ത​ന്നെ അ​തി​നെ ദു​ർ​ബ​ല​മാ​ക്കാ​നു​ള്ള ശ്ര​മ​ങ്ങ​ളും അ​ണി​യ​റ​യി​ൽ പു​രോ​ഗ​മി​ക്കു​ന്നു​ണ്ടാ​യി​രു​ന്നു.

ര​ണ്ട് പ​തി​റ്റാ​ണ്ടി​നി​പ്പു​റം വി​വ​രാ​വ​കാ​ശ നി​യ​മം ന​ന്നേ ദു​ർ​ബ​ല​മാ​യി​ട്ടാ​ണ് അ​നു​ഭ​വ​പ്പെ​ടു​ക. മൂ​ന്ന് ത​ര​ത്തി​ലാ​ണ് ഇ​ത് ദു​ർ​ബ​ല​മാ​ക്ക​പ്പെ​ട്ടി​രി​ക്കു​ന്ന​ത്: ഒ​ന്ന്, വി​വ​രാ​വ​കാ​ശ ചോ​ദ്യ​ങ്ങ​ളെ നി​യ​മ​ത്തി​ന്റെ പ​ഴു​തു​ക​ളു​പ​യോ​ഗി​ച്ച് അ​വ​ഗ​ണി​ക്ക​ൽ; ര​ണ്ട്, വി​വ​രാ​വ​കാ​ശ നി​യ​മ​ത്തി​ന്റെ ഭാ​ഗ​മാ​യു​ള്ള സം​വി​ധാ​ന​ങ്ങ​ളെ സ്തം​ഭി​പ്പി​ക്ക​ൽ; മൂ​ന്ന്, നി​യ​മ​ത്തി​ന്റെ സ്പി​രി​റ്റ് ചോ​ർ​ത്തി​ക്ക​ള​യും​വി​ധ​മു​ള്ള ഭേ​ദ​ഗ​തി​ക​ൾ.

സം​വി​ധാ​നം സ്തം​ഭ​നാ​വ​സ്ഥ​യി​ൽ

വി​വ​രാ​വ​കാ​ശ നി​യ​മ​ത്തി​ന്റെ അ​ടി​സ്ഥാ​ന​ത്തി​ൽ പ്ര​വ​ർ​ത്തി​ക്കു​ന്ന സം​വി​ധാ​നം ഏ​താ​ണ്ട് പൂ​ർ​ണ​മാ​യും സ്തം​ഭ​നാ​വ​സ്ഥ​യി​ലാ​ണെ​ന്ന് പ​റ​യാം. പ​ല സം​സ്ഥാ​ന​ങ്ങ​ളി​ലെ​യും വി​വ​രാ​വ​കാ​ശ ക​മീ​ഷ​നു​ക​ൾ നോ​ക്കു​കു​ത്തി​യാ​ണ്. പ​ല​യി​ട​ത്തും സം​സ്ഥാ​ന വി​വ​രാ​വ​കാ​ശ ക​മീ​ഷ​ണ​ർ ത​ന്നെ​യി​ല്ലാ​ത്ത അ​വ​സ്ഥ​യു​മു​ണ്ട്. ഝാ​ർ​ഖ​ണ്ഡി​ൽ ക​ഴി​ഞ്ഞ നാ​ല് വ​ർ​ഷ​മാ​യി വി​വ​രാ​വ​കാ​ശ ക​മീ​ഷ​ൻ ത​ന്നെ​യി​ല്ലാ​യി​രു​ന്നു.

ഏ​ഴ് സം​സ്ഥാ​ന​ങ്ങ​ളി​ലെ​ങ്കി​ലും, 2024ൽ ​സ​മാ​ന​മാ​യ സാ​ഹ​ച​ര്യ​മു​ണ്ടാ​യി. ഇ​തി​നെ​ക്കാ​ൾ ക​ഷ്ട​മാ​ണ് കേ​ന്ദ്ര വി​വ​രാ​വ​കാ​ശ ക​മീ​ഷ​ന്റെ കാ​ര്യം. വി​വ​രാ​വ​കാ​ശ ക​മീ​ഷ​​ണ​റെ നി​യ​മി​ക്കു​ന്ന​തി​ൽ കാ​ല​താ​മ​സം വ​രു​ത്തു​ന്ന​തി​നെ​തി​രെ സു​പ്രീം​കോ​ട​തി​ക്കു​പോ​ലും ഇ​ട​പെ​ടേ​ണ്ടി​വ​ന്നു. ഡ​ൽ​ഹി ആ​സ്ഥാ​ന​മാ​യി പ്ര​വ​ർ​ത്തി​ക്കു​ന്ന സ​ത​ർ​ക് നാ​ഗ​രി​ക് സം​ഗ​ത​ൻ (എ​സ്.​എ​ൻ.​എ​സ്) എ​ന്ന എ​ൻ.​ജി.​ഒ ക​ഴി​ഞ്ഞ ന​വം​ബ​റി​ൽ പു​റ​ത്തി​റ​ക്കി​യ റി​പ്പോ​ർ​ട്ടി​ൽ (Report Card on the Performance of Information Commissions in India, 2023-24) വി​വ​രാ​വ​കാ​ശ നി​യ​മ​ത്തി​ന്റെ വ​ർ​ത്ത​മാ​ന​കാ​ല പ്ര​തി​സ​ന്ധി വി​വ​രി​ക്കു​ന്നു​ണ്ട്.

2024 ഒ​ക്ടോ​ബ​ർ​വ​രെ​യു​ള്ള വി​വ​ര​മ​നു​സ​രി​ച്ച്, ഇ​ന്ത്യ​യി​ലെ ഏ​ഴ് സം​സ്ഥാ​ന​ങ്ങ​ളി​ൽ വി​വ​രാ​വ​കാ​ശ ക​മീ​ഷ​ൻ പ്ര​വ​ർ​ത്തി​ക്കു​ന്നി​ല്ലെ​ന്ന് പ​റ​യാം. ഝാ​ർ​ഖ​ണ്ഡ്, ത്രി​പു​ര, തെ​ല​ങ്കാ​ന, ഗോ​വ, മ​ധ്യ​പ്ര​ദേ​ശ്, യു.​പി, ഛത്തി​സ്ഗ​ഢ് എ​ന്നീ സം​സ്ഥാ​ന​ങ്ങ​ളി​ലാ​ണ് വി​വ​രാ​വ​കാ​ശ ക​മീ​ഷ​ന്റെ പ്ര​വ​ർ​ത്ത​നം സ്തം​ഭി​ച്ചി​രി​ക്കു​ന്ന​ത്. ഇ​തി​ൽ ചി​ല സം​സ്ഥാ​ന​ങ്ങ​ളി​ൽ പി​ന്നീ​ട് കോ​ട​തി ഇ​ട​പെ​ട​ലി​നെ​തു​ട​ർ​ന്ന് പ്ര​വ​ർ​ത്ത​നം പു​ന​രാ​രം​ഭി​ച്ചു.

ഇ​തേ കാ​ല​യ​ള​വി​ൽ ക​ർ​ണാ​ട​ക​പോ​ലു​ള്ള സം​സ്ഥാ​ന​ങ്ങ​ളി​ൽ മു​ഖ്യ​വി​വ​രാ​വ​കാ​ശ ക​മീ​ഷ​ണ​റു​ടെ അ​ഭാ​വ​ത്തി​ലും ഓ​ഫി​സ് പ്ര​വ​ർ​ത്തി​ച്ചു. 2023 ജൂ​ൺ​മു​ത​ൽ 2024 ജൂ​ലൈ​വ​രെ 2.31 ല​ക്ഷം അ​പ്പീ​ലു​ക​ളും പ​രാ​തി​ക​ളു​മാ​ണ് ക​മീ​ഷ​നു​ക​ൾ​ക്ക് ല​ഭി​ച്ച​ത്. ഇ​തി​ൽ ത​മി​ഴ്നാ​ട്, മ​ധ്യ​പ്ര​ദേ​ശ് സം​സ്ഥാ​ന​ങ്ങ​ളി​ലെ അ​പ്പീ​ൽ/ പ​രാ​തി​ക​ളു​ടെ എ​ണ്ണം ല​ഭ്യ​മ​ല്ല. അ​പ്പോ​ൾ, ഒ​രു​വ​ർ​ഷം ഏ​താ​ണ്ട് ര​ണ്ട​ര ല​ക്ഷ​ത്തി​ല​ധി​കം അ​പ്പീ​ൽ ല​ഭി​ച്ചു​വെ​ന്ന് ക​ണ​ക്കാ​ക്കാം.

അ​തേ കാ​ല​യ​ള​വി​ൽ തീ​ർ​പ്പാ​ക്കി​യ​ത് 2.25 ല​ക്ഷം പ​രാ​തി​ക​ളാ​ണ്. ഇ​തി​ൽ മു​ൻ​വ​ർ​ഷ​ത്തെ പ​രാ​തി​ക​ളു​മു​ണ്ടാ​കാം. 2024 ജൂ​ലൈ 30ലെ ​ക​ണ​ക്കു​പ്ര​കാ​രം, നാ​ല് ല​ക്ഷം പ​രാ​തി​ക​ൾ/​അ​പ്പീ​ലു​ക​ളാ​ണ് ക​മീ​ഷ​ന് മു​ന്നി​ൽ വി​ധി കാ​ത്തു​കി​ട​ക്കു​ന്ന​ത്. കേ​ന്ദ്ര വി​വ​രാ​വ​കാ​ശ ക​മീ​ഷ​ന് മു​ന്നി​ൽ​ത​ന്നെ കെ​ട്ടി​ക്കി​ട​ക്കു​ന്ന​ത് കാ​ൽ ല​ക്ഷ​ത്തോ​ളം പ​രാ​തി​ക​ളാ​ണ്.

ഒ​രു​വ​ർ​ഷം ശ​രാ​ശ​രി ര​ണ്ട​ര​ല​ക്ഷം അ​പ്പീ​ലു​ക​ൾ വ​ന്നി​ട്ടും പി​ഴ ഈ​ടാ​ക്കു​ന്ന കേ​സു​ക​ൾ നാ​മ​മാ​ത്ര​മാ​ണെ​ന്നും ഈ ​റി​പ്പോ​ർ​ട്ട് വ്യ​ക്ത​മാ​ക്കു​ന്നു. മേ​ൽ സൂ​ചി​പ്പി​ച്ച കാ​ല​യ​ള​വി​ൽ പി​ഴ ഈ​ടാ​ക്കി​യ കേ​സു​ക​ളു​ടെ എ​ണ്ണം വെ​റും 3953 ആ​ണ്. ഈ ​വ​ക​യി​ൽ സ​ർ​ക്കാ​റി​ന് എ​ട്ട് കോ​ടി രൂ​പ കി​ട്ടി.

കേ​​ന്ദ്രം പി​ടി​മു​റു​ക്കു​ന്നു

2005ൽ ​വി​വ​രാ​വ​കാ​ശ ക​മീ​ഷ​ൻ സ്ഥാ​പി​ത​മാ​കു​മ്പോ​ൾ അ​തി​ന് സ്വ​ത​ന്ത്ര അ​സ്തി​ത്വ​മാ​യി​രു​ന്നു ക​ൽ​പി​ക്ക​പ്പെ​ട്ടി​രു​ന്ന​ത്. തെ​ര​ഞ്ഞെ​ടു​പ്പ് ക​മീ​ഷ​ൻ, പി.​എ​സ്.​സി തു​ട​ങ്ങി​യ ഭ​ര​ണ​ഘ​ട​നാ സ്ഥാ​പ​ന​ങ്ങ​ളെ​പോ​ലെ സ്വ​യം​ഭ​ര​ണ പ​ദ​വി​യാ​യി​രു​ന്നു വി​വ​രാ​വ​കാ​ശ ക​മീ​ഷ​നും ഉ​ണ്ടാ​യി​രു​ന്ന​ത്. വി​വ​രാ​വ​കാ​ശ ക​മീ​ഷ​​ന്റെ കാ​ലാ​വ​ധി അ​ഞ്ച് വ​ർ​ഷ​മാ​യി നി​ജ​പ്പെ​ടു​ത്തി​യ​തും വേ​ത​ന വ്യ​വ​സ്ഥ​ക​ൾ തെ​ര​ഞ്ഞെ​ടു​പ്പ് ക​മീ​ഷ​ന്റേ​തി​ന് സ​മാ​ന​മാ​ക്കി മാ​റ്റി​യ​തു​മെ​ല്ലാം ഇ​തി​ന്റെ ഭാ​ഗ​മാ​യി​ട്ടാ​ണ്.

എ​ന്നാ​ൽ, ​മോ​ദി സ​ർ​ക്കാ​റി​ന്റെ ര​ണ്ടാ​മൂ​ഴ​ത്തി​ൽ നി​യ​മ​ത്തി​ൽ കേ​ന്ദ്ര സ​ർ​ക്കാ​ർ ക​ടും​വെ​ട്ട് ന​ട​ത്തി. 2019ലെ ​നി​യ​മ​ഭേ​ദ​ഗ​തി​യ​നു​സ​രി​ച്ച്, ക​മീ​ഷ​നെ നി​യ​മി​ക്കു​ന്ന​തും അ​വ​രു​ടെ കാ​ലാ​വ​ധി നി​ശ്ച​യി​ക്കു​ന്ന​തും ശ​മ്പ​ളം തീ​രു​മാ​നി​ക്കു​ന്ന​തു​​മെ​ല്ലാം കേ​ന്ദ്ര സ​ർ​ക്കാ​റാ​ണ്. ക​മീ​ഷ​നെ പൂ​ർ​ണ​മാ​യും കൈ​പ്പി​ടി​യി​ലൊ​തു​ക്കാ​ൻ ഈ ​നീ​ക്ക​ത്തി​ലൂ​ടെ കേ​ന്ദ്ര സ​ർ​ക്കാ​റി​നാ​യി. നി​യ​മ​ഭേ​ദ​ഗ​തി പാ​സാ​യ​തോ​ടെ, ക​മീ​ഷ​ന്റെ സ്വ​യം ഭ​ര​ണാ​വ​കാ​ശം ത​ന്നെ​യാ​ണ് ഇ​ല്ലാ​താ​യ​ത്.

വി​ഷ​യ​ത്തി​ൽ ശ​ക്ത​മാ​യ പ്ര​തി​ഷേ​ധം ഉ​യ​ർ​ന്നെ​ങ്കി​ലും പാ​ർ​ല​​മെ​ന്റി​ലെ മൃ​ഗീ​യ ഭൂ​രി​പ​ക്ഷ​ത്തി​ൽ അ​തെ​ല്ലാം അ​വ​ഗ​ണി​ക്ക​പ്പെ​ട്ടു. ഒ​രു ലേ​ഖ​ന​ത്തി​ൽ ശ​ശി ത​രൂ​ർ ഇ​ങ്ങ​നെ എ​ഴു​തി: ‘അ​വ​ശേ​ഷി​ക്കു​ന്ന​ത് വി​വ​രാ​വ​കാ​ശ നി​യ​മ​മ​ല്ല; വി​വ​ര തി​ര​സ്ക​ര​ണ നി​യ​മ​മാ​ണ്’. മോ​ദി​യു​ടെ വി​ദ്യാ​ഭ്യാ​സ യോ​ഗ്യ​ത സം​ബ​ന്ധി​ച്ച വി​വ​രാ​വ​കാ​ശ പ്ര​വ​ർ​ത്ത​ക​രു​ടെ അ​ന്വേ​ഷ​ണ​ത്തി​ന് അ​നു​കൂ​ല​മാ​യ നി​ല​പാ​ട് സ്വീ​ക​രി​ച്ച​തു​മു​ത​ലാ​ണ് ക​മീ​ഷ​നെ​തി​രെ കേ​ന്ദ്രം തി​രി​ഞ്ഞ​തെ​ന്ന കാ​ര്യ​വും ശ്ര​ദ്ധേ​യ​മാ​ണ്.

ഡി.​പി.​ഡി.​പി v/s ആർ.ടി.ഐ

പാ​ർ​ല​മെ​ന്റ് പാ​സാ​ക്കി​യ ഡി​ജി​റ്റ​ൽ വ്യ​ക്തി​വി​വ​ര​ണ സം​ര​ക്ഷ​ണ നി​യ​മം (ഡി.​പി.​ഡി.​പി നി​യ​മം) 2023 ആ​ഗ​സ്റ്റ് 11ന് ​ആ​ണ് ഗ​സ​റ്റി​ൽ വി​ജ്ഞാ​പ​നം ചെ​യ്തെ​ങ്കി​ലും ഇ​നി​യും പ്രാ​ബ​ല്യ​ത്തി​ലാ​യി​ട്ടി​ല്ല. ഡി​ജി​റ്റ​ൽ രൂ​പ​ത്തി​ലു​ള്ള വി​വ​ര​ങ്ങ​ളു​ടെ സം​ര​ക്ഷ​ണം സം​ബ​ന്ധി​ച്ച​താ​ണ് ഡി.​പി.​ഡി.​പി നി​യ​മം. വി​വ​ര​ങ്ങ​ളെ ഡി​ജി​റ്റ​ൽ, ഡി​ജി​റ്റ​ൽ അ​ല്ലാ​ത്ത​ത് എ​ന്നി​ങ്ങ​നെ വേ​ർ​തി​രി​ച്ചു​ള്ള​ത​ല്ല, വി​വ​രാ​വ​കാ​ശ നി​യ​മം.

അ​തി​നാ​ൽ വി​വ​രാ​വ​കാ​ശ നി​യ​മ​ത്തി​ലെ പൊ​തു സ്വ​ഭാ​വ​മു​ള്ള വ്യ​വ​സ്ഥ​യെ ഡി.​പി.​ഡി.​പി നി​യ​മ​ത്തി​ലൂ​ടെ ഭേ​ദ​ഗ​തി ചെ​യ്യാ​നാ​കു​മോ എ​ന്ന​തി​ലാ​ണ് ആ​ശ​ങ്ക. ഏ​തൊ​ക്കെ വി​വ​ര​ങ്ങ​ൾ വെ​ളി​പ്പെ​ടു​ത്തേ​ണ്ടാ​ത്ത​വ​യാ​ണ് എ​ന്ന​താ​ണ് വി​വ​രാ​വ​കാ​ശ നി​യ​മ​ത്തി​ലെ എ​ട്ടാം വ​കു​പ്പ്. അ​തി​ലെ 8(1)(ജെ) ​ഉ​പ​വ​കു​പ്പി​ലാ​ണ് വ്യ​ക്തി​ഗ​ത വി​വ​ര​ങ്ങ​ൾ പ​രാ​മ​ർ​ശി​ക്കു​ന്ന​ത്. അ​ത​നു​സ​രി​ച്ച് പൊ​തു​താ​ൽ​പ​ര്യ​വു​മാ​യോ പൊ​തു​പ്ര​വ​ർ​ത്ത​ന​വു​മാ​യോ ബ​ന്ധ​മി​ല്ലാ​ത്ത​തോ വ്യ​ക്തി​യു​ടെ സ്വ​കാ​ര്യ​​ത​യെ അ​നാ​വ​ശ്യ​മാ​യി ബാ​ധി​ക്കു​ന്ന​തോ ആ​യ വ്യ​ക്തി​ഗ​ത വി​വ​ര​ങ്ങ​ൾ വെ​ളി​പ്പെ​ടു​ത്തേ​ണ്ട​തി​ല്ല.

ഭൂ​രി​പ​ക്ഷ പൊ​തു​താ​ൽ​പ​ര്യ​ത്തെ ന്യാ​യീ​ക​രി​ക്കു​ന്ന​താ​ണോ വ്യ​ക്തി​ഗ​ത വി​വ​ര​ത്തി​ന്റെ വെ​ളി​പ്പെ​ടു​ത്ത​ലെ​ന്ന് ബ​ന്ധ​പ്പെ​ട്ട ഉ​ദ്യോ​ഗ​സ്ഥ​ർ​ക്ക് തീ​രു​മാ​നി​ക്കാം. വെ​ളി​പ്പെ​ടു​ത്താ​വു​ന്ന​തും അ​ല്ലാ​ത്ത​തു​മാ​യ വ്യ​ക്തി​ഗ​ത വി​വ​ര​ങ്ങ​ൾ സം​ബ​ന്ധി​ച്ച് കൃ​ത്യ​മാ​യ വി​വ​ര​ങ്ങ​ൾ വി​വ​രാ​വ​കാ​ശ നി​യ​മ​ത്തി​ൽ ഉ​ണ്ടാ​യി​രു​ന്നു. എ​ന്നാ​ൽ, വ്യ​ക്തി​ഗ​ത വി​വ​ര​ങ്ങ​ൾ ഒ​ന്നും വെ​ളി​പ്പെ​ടു​ത്തേ​ണ്ട​തി​ല്ല എ​ന്നാ​ണ് ഡി.​പി.​ഡി.​പി നി​യ​ത്തി​ലെ 44(3) പ​റ​യു​ന്ന​ത്.

സു​പ്രീം​കോ​ട​തി ‘പു​ട്ടു​സ്വാ​മി കേ​സി’​ലെ വി​ധി​യി​ലൂ​ടെ സ്വ​കാ​ര്യ​ത മൗ​ലി​കാ​വ​കാ​ശ​മാ​ക്കി​യെ​ന്നും അ​തി​നാ​ൽ വ്യ​ക്തി​ഗ​ത വി​വ​ര​ങ്ങ​ൾ​ക്കെ​ല്ലാം സം​ര​ക്ഷ​ണം ആ​വ​ശ്യ​​മാ​ണ് എ​ന്നാ​ണ് സ​ർ​ക്കാ​ർ പ​റ​യു​ന്ന​ത്. എ​ന്നാ​ൽ, വി​വ​രാ​വ​കാ​ശ നി​യ​മ​ത്തി​ലെ വ്യ​ക്തി​ഗ​ത വി​വ​ര​ങ്ങ​ൾ സം​ബ​ന്ധി​ച്ച വ്യ​വ​സ്ഥ സ്വ​കാ​ര്യ​ത​യു​ടെ ലം​ഘ​ന​മാ​കു​മെ​ന്ന് സു​പ്രീം​കോ​ട​തി പ​റ​ഞ്ഞി​ട്ടി​ല്ല. അ​തി​നാ​ൽ ആ ​വാ​ദം മു​ഖ​വി​ല​ക്ക് എ​ടു​ക്കാ​നാ​വി​ല്ല.

വ്യ​ക്തി​ഗ​ത വി​വ​ര​ങ്ങ​ൾ എ​ന്ന​തി​നെ​ക്കു​റി​ച്ച് ഡി.​പി.​സി.​പി നി​യ​മ​ത്തി​ലു​ള്ള നി​ർ​വ​ച​നം വ്യ​ക്ത​ത​യി​ല്ലാ​ത്ത​താ​ണ്. അ​തി​നാ​ൽ വി​വ​രാ​വ​കാ​ശ നി​യ​മ​ത്തി​ലെ വ്യ​വ​സ്ഥ ദു​ർ​വ്യാ​ഖ്യാ​നം ചെ​യ്യാ​ൻ സാ​ധ്യ​ത​യേ​റും. വി​വ​രാ​വ​കാ​ശ നി​യ​മ​പ്ര​കാ​രം മ​റു​പ​ടി ന​ൽ​കേ​ണ്ട ഉ​ദ്യോ​ഗ​സ്ഥ​ർ വി​വേ​ച​നാ​ധി​കാ​രം സൗ​ക​ര്യം പോ​ലെ പ്ര​യോ​ഗി​ക്കാം. വി​വ​രം വ്യ​ക്തി​ഗ​ത ഗ​ണ​ത്തി​ൽ​പ്പെ​ടു​ന്ന​താ​ണെ​ന്ന് തീ​ർ​പ്പ് ക​ൽ​പി​ച്ച് നി​ഷേ​ധി​ക്കാം.

വി​വ​രാ​പേ​ക്ഷ​ക​ർ ശ​ത്രു​വ​ല്ല

വി​വ​രാ​വ​കാ​ശ അ​പേ​ക്ഷ​ക​രെ ശ​ത്രു​വാ​യി കാ​ണു​ന്ന സ​മീ​പ​ന​മാ​ണ് ഇ​ന്നും പ​ല ഉ​ദ്യോ​ഗ​സ്ഥ​രും തു​ട​രു​ന്ന​ത്. ര​ണ്ട് പ​തി​റ്റാ​ണ്ടി​ലെ​ത്തി​നി​ൽ​ക്കെ വി​വ​രം ന​ൽ​കു​ന്ന​ത് ഔ​​ദാ​ര്യ​മാ​ണെ​ന്ന സ​മീ​പ​ന​ത്തി​ൽ​നി​ന്ന് മാ​റേ​ണ്ട​തു​ണ്ടെ​ന്നാ​ണ് വി​വ​രാ​വ​കാ​ശ അ​പേ​ക്ഷ​ക​ർ പ​റ​യു​ന്ന​ത്. അ​പേ​ക്ഷ​ക​ർ​ക്ക് ഒ​ഴു​ക്ക​ൻ മ​ട്ടി​ലു​ള്ള മ​റു​പ​ടി​യ​ല്ല, ആ​വ​ശ്യ​പ്പെ​ട്ട വി​വ​ര​മാ​ണ് ന​ൽ​കേ​ണ്ട​ത്. അ​പ്പീ​ൽ വി​ചാ​ര​ണ​ക​ളി​ൽ വി​വ​രം ന​ൽ​കി​യി​ട്ടി​ല്ലാ​ത്ത ഉ​​ദ്യോ​ഗ​സ്ഥ​ർ​ക്കെ​തി​രെ താ​ക്കീ​തും വി​വ​രം ന​ൽ​കാ​നു​ള്ള നി​ർ​ദേ​ശ​ങ്ങ​ളും മാ​ത്ര​മാ​ണ് ഉ​ണ്ടാ​കു​ന്ന​ത്.

പി​ഴ ശി​ക്ഷ പ​​ല​പ്പോ​ഴും ക​ട​ലാ​സി​ൽ മാ​ത്ര​മൊ​തു​ങ്ങു​ന്നു. വി​വ​രാ​വ​കാ​ശ അ​പേ​ക്ഷ​ക​ർ​ക്ക് മ​റു​പ​ടി ന​ൽ​കു​ന്ന​തി​ൽ നി​ര​ന്ത​രം ഉ​ദ്യോ​ഗ​സ്ഥ​രു​ടെ ഭാ​ഗ​ത്തു​നി​ന്നു​ണ്ടാ​കു​ന്ന അ​ലം​ഭാ​വ​വും വീ​ഴ്ച​യും ക​മീ​ഷ​ൻ ഗൗ​ര​വ​ത്തോ​ടെ കാ​ണ​ണ​മെ​ന്ന് ആ​വ​ശ്യ​മു​യ​രു​ന്നു​ണ്ട്. നി​യ​മം ന​ട​പ്പി​ൽ വ​ന്ന് 20 വ​ർ​ഷം ക​ഴി​ഞ്ഞി​ട്ടും അ​പേ​ക്ഷ​ക​ന്റെ അ​വ​കാ​ശ​ത്തെ​ക്കു​റി​ച്ചും ഉ​ദ്യോ​ഗ​സ്ഥ​രു​ടെ ഉ​ത്ത​ര​വാ​ദി​ത്ത​ത്തെ​ക്കു​റി​ച്ചും പ​ല ഉ​ദ്യോ​ഗ​സ്ഥ​ർ​ക്കും വേ​ണ്ട​ത്ര ധാ​ര​ണ​യി​ല്ലെ​ന്നാ​ണ് വി​വ​രാ​വ​കാ​ശ ക​മീ​ഷ​ൻ ജി​ല്ല ആ​സ്ഥാ​ന​ങ്ങ​ൾ കേ​ന്ദ്രീ​ക​രി​ച്ച് ന​ട​ത്തു​ന്ന സി​റ്റി​ങ്ങു​ക​ളി​ൽ​നി​ന്ന് വ്യ​ക്ത​മാ​കു​ന്ന​ത്.

'വി​വ​രാ​വ​കാ​ശ അ​പേ​ക്ഷ​ക​ളി​ല്‍ ല​ഭ്യ​മ​ല്ല, ബാ​ധ​ക​മ​ല്ല തു​ട​ങ്ങി​യ മ​റു​പ​ടി​ക​ള്‍ സ്വീ​കാ​ര്യ​മ​ല്ല. നി​ര​സി​ക്കു​ക​യാ​ണെ​ങ്കി​ൽ അ​തി​ന്റെ നി​യ​മ​പ​ര​മാ​യ കാ​ര​ണം വി​ശ​ദീ​ക​രി​ക്ക​ണം. മ​റു​പ​ടി​ക​ൾ വ്യ​ക്ത​മാ​യി​രി​ക്ക​ണം. വി​വ​രാ​വ​കാ​ശ നി​യ​മ​ത്തി​ന്റെ അ​ന്തഃ​സ​ത്ത ഉ​ദ്യോ​ഗ​സ്ഥ​ര്‍ പൂ​ര്‍ണ​മാ​യി ഉ​ള്‍ക്കൊ​ണ്ടി​ട്ടി​ല്ല. സ​ര്‍ക്കാ​ര്‍ ഫ​യ​ലു​ക​ളി​ല്‍ ന​ട​പ​ടി​ക​ള്‍ വൈ​കു​ന്ന​തി​നാ​ലും പൂ​ഴ്ത്തി​വെ​ക്കു​ന്ന​തി​നാ​ലു​മാ​ണ് വി​വ​രാ​വ​കാ​ശ അ​പേ​ക്ഷ​ക​ള്‍ വ​ര്‍ധി​ക്കു​ന്ന​ത്'. - ടി.​കെ. രാ​മ​കൃ​ഷ്ണ​ന്‍ (സം​സ്ഥാ​ന വി​വ​രാ​വ​കാ​ശ ക​മീ​ഷ​ണ​ര്‍)