മണ്ണഞ്ചേരി: ഭാര്യ മരിച്ച് അറുപതാം നാൾ ഭർത്താവും മരിച്ചു. മണ്ണഞ്ചേരി പഞ്ചായത്ത് 22ാം വാർഡ് കോച്ചോത്ത് വെളിയിൽ അബൂബക്കർ മുസ്‌ലിയാരാണ് (73) മരിച്ചത്. കോവിഡ് ബാധിച്ച് ഭേദമായശേഷം വീട്ടിൽ വിശ്രമത്തിലായിരുന്നു. രണ്ടുമാസം മുമ്പ് വീട്ടിലെ അഞ്ചുപേർക്ക് കോവിഡ് ബാധിച്ചിരുന്നു. ഭാര്യ സൗദ ബീവി രോഗം ഭേദമായി വീട്ടിൽവന്ന് അടുത്തദിവസം മരിച്ചിരുന്നു. മക്കൾ: കൗലത്ത്, അഷറഫ്, ബുഷ്റ, നിസാമുദ്ദീൻ. മരുമക്കൾ: സുബൈർ, സജീന, എ.കെ. സലാഹുദ്ദീൻ (കലവൂർ ടൗൺ ജുമ മസ്ജിദ് പ്രസിഡൻറ്), സുബിത.
