കായംകുളം: ലോക് താന്ത്രിക് ജനതാദൾ ആലപ്പുഴ ജില്ല പ്രസിഡൻറ് കണ്ടല്ലൂർ സതി നിവാസിൽ കണ്ടല്ലൂർ ശങ്കരനാരായണൻ (70) നിര്യാതനായി. ഓണാട്ടുകര വികസന ഏജൻസി വൈസ് ചെയർമാൻ, കാർഷിക സർവകലാശാല ഫാം ഉപദേശക സമിതി അംഗം എന്നീ നിലകളിൽ പ്രവർത്തിച്ചിട്ടുണ്ട്. സോഷ്യലിസ്റ്റ് പാർട്ടി വിദ്യാർഥി വിഭാഗമായ ഐ.എസ്.ഒയിലൂടെയായിരുന്നു രാഷ്ട്രീയ പ്രവേശനം.ജനതാപാർട്ടി കായംകുളം മണ്ഡലം സെക്രട്ടറി, ജില്ല കമ്മിറ്റി അംഗം, ജനതാദൾ ജില്ല ജനറൽ സെക്രട്ടറി, എച്ച്.എം.എസ് സംസ്ഥാന കമ്മിറ്റി അംഗം, പി.എ. ഹാരിസ് സ്മാരക ട്രസ്റ്റ് വൈസ് പ്രസിഡൻറ്, പുല്ലുകുളങ്ങര ക്ഷേത്രം ബോർഡ് മെംബർ എന്നീ നിലകളിൽ പ്രവർത്തിച്ചിട്ടുണ്ട്. ഭാര്യ: മുതുകുളം േബ്ലാക്ക് പഞ്ചായത്ത് മുൻ വൈസ് പ്രസിഡൻറും കണ്ടല്ലൂർ ഗ്രാമപഞ്ചായത്ത് അംഗവുമായിരുന്ന സരള ശങ്കരനാരായണൻ. മക്കൾ: സരിത ശങ്കർ, സഹന ശങ്കർ. മരുമക്കൾ: മനോജ്, ചിന്തു.
