വള്ളികുന്നം: ഭരണിക്കാവ് ബ്ലോക്ക് പഞ്ചായത്ത് അംഗവും സി.പി.എം ചാരുംമൂട് ഏരിയ കമ്മിറ്റി അംഗവുമായിരുന്ന വള്ളികുന്നം കാരാഴ്മ മണക്കാട്ട് ലക്ഷ്മി ഭവനത്തിൽ അഡ്വ. എസ്. രാജേഷ് (46) നിര്യാതനായി. കേരള സർവകാലശാല യൂനിയൻ ചെയർമാൻ, സെനറ്റ് മെംബർ, എസ്.എഫ്.ഐ ജില്ല സെക്രട്ടറി, സംസ്ഥാന കമ്മിറ്റി അംഗം, സി.പി.എം ലോക്കൽ കമ്മിറ്റി സെക്രട്ടറി, മാവേലിക്കര ബാർ അസോസിയേഷൻ സെക്രട്ടറി എന്നീ നിലകളിൽ പ്രവർത്തിച്ചിട്ടുണ്ട്. മൃതദേഹം ഞായറാഴ്ച രാവിലെ ഒമ്പതിന് ബ്ലോക്ക് പഞ്ചായത്ത് ഓഫിസ്, തുടർന്ന് സി.പി.എം ഏരിയ കമ്മിറ്റി ഓഫിസ് എന്നിവിടങ്ങളിലെ പൊതുദർശനത്തിനുശേഷം ഉച്ചക്ക് 2.30ന് വീട്ടുവളപ്പിൽ സംസ്കരിക്കും. ഭാര്യ: വിദ്യാലക്ഷ്മി. മക്കൾ: മഹേശ്വർ രാജ്, ഭഗത് രാജ്. പിതാവ്: ശ്രീധരൻ പിള്ള (വള്ളികുന്നം അമൃത എച്ച്.എസ്.എസ് റിട്ട. അധ്യാപകൻ). മാതാവ്: ശാന്തമ്മ.
