ശാസ്താംകോട്ട: സി.പി.ഐ നേതാവും കെ.പി.എ.സി നടനും അധ്യാപകനുമായിരുന്ന മുടീത്തറ ഗോപാലകൃഷ്ണപിള്ള (89) നിര്യാതനായി. തേവലക്കര ഹൈസ്‌കൂള്‍ അധ്യാപകനായും പാവുമ്പ ഹൈസ്‌കൂള്‍ ഹെഡ്മാസ്റ്ററായും ജോലിചെയ്തു. കെ.പി.എ.സിയുടെ യന്ത്രം, സുദര്‍ശനം, ഭരതക്ഷേത്രം എന്നീ നാടകങ്ങളിലും നിരവധി അമച്വര്‍ നാടകങ്ങളിലും അഭിനയിച്ചു. ജില്ല ഹെഡ്മാസ്റ്റേഴ്‌സ് ഫോറം സെക്രട്ടറി, ഗ്രന്ഥശാലാസംഘം സംസ്ഥാന ഭാരവാഹി, ഗ്രന്ഥാലോകം എഡിറ്റോറിയല്‍ ബോര്‍ഡ് അംഗം, ലൈബ്രറി ഗ്രഡേഷന്‍ കമ്മിറ്റി കണ്‍വീനര്‍, കിസാന്‍സഭ ജില്ല പ്രസിഡന്‍റ്, മൈനാഗപ്പള്ളി സർവിസ് സഹകരണ ബാങ്ക് പ്രസിഡന്‍റ്, കൊല്ലം ജില്ല സഹകരണ ബാങ്ക് ഡയറക്ടര്‍, കേരഫെഡ് ഡയറക്ടര്‍, മൈനാഗപ്പള്ളി പഞ്ചായത്ത് വൈസ് പ്രസിഡന്‍റ് എന്നീ ചുമതലകള്‍ വഹിച്ചിട്ടുണ്ട്. ഭാര്യ: ജെ. ഇന്ദിരാമ്മ. മക്കള്‍: സിന്ധു, ഗംഗ, യമുന. മരുമക്കള്‍. അഡ്വ. എസ്. രാജീവ്, ശ്രീദേവി, പരേതനായ രാജേന്ദ്രന്‍പിള്ള, അജയഘോഷ് (സി.പി.ഐ ശൂരനാട് മണ്ഡലം സെക്രട്ടറി). സംസ്കാരം ഞായറാഴ്ച രാവിലെ 10ന് വടക്കൻ മൈനാഗപ്പള്ളി ത്രിവേണിയിൽ.
