ചെങ്ങന്നൂർ: മാന്നാറിലെ ആദ്യകാല കമ്യൂണിസ്റ്റ് പാർട്ടി പ്രവർത്തകനും മാന്നാർ നായർ സമാജം ഹൈസ്കൂൾ റിട്ട. ഹെഡ് മാസ്റ്ററുമായിരുന്ന മാന്നാർ കുരട്ടിശ്ശേരി ചീരംകുഴിയിൽ കെ.ശിവശങ്കരപ്പിള്ള (91) നിര്യാതനായി. പാവുക്കര കരയോഗം യു.പി സ്കൂൾ മാനേജർ, സി.പി.ഐ മാന്നാർ ടൗൺ ബ്രാഞ്ച് കമ്മിറ്റി അംഗം, കിസാൻ സഭ ചെങ്ങന്നൂർ താലൂക്ക് സെകട്ടറി, മാന്നാർ സർവിസ് സഹകരണ ബാങ്ക് മുൻ പ്രസിഡൻറ്, അധ്യാപക സംഘടന ഭാരവാഹി തുടങ്ങിയ നിലകളിൽ പ്രവർത്തിച്ചിരുന്നു. ഭാര്യ: കുന്നമ്പള്ളിൽ കുടുംബാംഗം വിജയകുമാരിയമ്മ. മക്കൾ: തുളസി എസ്. പിള്ള (റിട്ട. അധ്യാപിക, നടുവട്ടം വി.എച്ച്.എസ്.എസ്, പള്ളിപ്പാട്), ലത എസ്. പിള്ള, ലേഖ എസ്. പിള്ള. മരുമക്കൾ: ശ്രീകുമാർ (മുംബൈ), കൃഷ്ണകുമാർ(ഷാർജ), പരേതനായ സോമനാഥൻപിള്ള. സംസ്കാരം വ്യാഴാഴ്ച വൈകീട്ട് മൂന്നിന് വീട്ടുവളപ്പിൽ.
