മണ്ണഞ്ചേരി: കെട്ടിടത്തിൽ അറ്റകുറ്റപ്പണിക്കിടെ പഴയ ഷീറ്റുകൾ മാറുകയായിരുന്ന തൊഴിലാളി വീണു മരിച്ചു. മാരാരിക്കുളം തെക്ക് പഞ്ചായത്ത് 18ാം വാർഡ് കാട്ടൂർ പുന്നക്കൽ ഡൊമിനിക്കിന്‍റെ മകൻ ടോഷിയാണ് (27) മരിച്ചത്. ബുധനാഴ്ച രാവിലെ കലവൂർ കയർ ബോർഡ് ഓഫിസിലായിരുന്നു അപകടം. പ്രധാന ഓഫിസിന് സമീപത്തെ കെട്ടിടത്തിലെ പഴയ ഷീറ്റുകൾ മാറുന്ന ജോലി നടക്കുകയായിരുന്നു. ടോഷി ചവിട്ടിയ ഷീറ്റ് പൊട്ടി താഴേക്ക് വീണു. മേൽക്കൂര ഭാഗത്തുണ്ടായിരുന്ന സീലിങ്ങും പൊളിഞ്ഞ് ടോഷി നിലത്ത് തലയിടിച്ച് വീഴുകയായിരുന്നു. ഉടൻ തുമ്പോളിയിലെ സ്വകാര്യ ആശുപത്രിയിലും പിന്നീട് ആലപ്പുഴ മെഡിക്കൽ കോളജ് ആശുപത്രിയിലും എത്തിച്ചെങ്കിലും മരിച്ചു. മാതാവ്: മേഴ്സി. സഹോദരൻ: ടോണി.
