മഞ്ചേരി: കണ്ണൂര്‍ സ്വദേശിയായ തൊഴിലാളി പുല്‍പറ്റയില്‍ കുളത്തില്‍ മുങ്ങിമരിച്ചു. കൊട്ടിയൂര്‍ പന്നിയാമല പുതുപ്പറമ്പില്‍വീട്ടില്‍ സജീ ദേവസ്യയാണ് (35) മരിച്ചത്. രണ്ടുവര്‍ഷത്തോളമായി പുല്‍പറ്റയിലെ സ്വകാര്യ തുന്നല്‍ കമ്പനിയില്‍ ജോലിചെയ്തുവരുകയായിരുന്നു. പ്രഭാത സവാരിക്കുശേഷം തൃപ്പനച്ചി പഞ്ചായത്ത് കുളത്തില്‍ നീന്തലിനിടെ മുങ്ങിപ്പോവുകയായിരുന്നു. മഞ്ചേരിയില്‍നിന്ന് അഗ്നിരക്ഷ സേനയെത്തിയാണ് മൃതദേഹം പുറത്തെടുത്തത്. പിതാവ്: പരേതനായ ദേവസ്യ. മാതാവ്: ലീലാമ. ഭാര്യ: അഞ്ജു. മക്കള്‍: അഡോണ്‍, ആന്‍മരിയ. സഹോദരങ്ങള്‍: സന്തോഷ്, ടിന്റു.
