പൊന്നാനി: മുതിർന്ന കോൺഗ്രസ് നേതാവ് വി. സൈദ് മുഹമ്മദ് തങ്ങൾ (71) നിര്യാതനായി. ഹൃദയാഘാതത്തെത്തുടർന്ന് ചികിത്സയിലിരിക്കെ തിരൂരിലെ സ്വകാര്യ ആശുപത്രിയിലായിരുന്നു അന്ത്യം.
കെ.പി.സി.സി നിർവാഹക സമിതി അംഗം, യൂത്ത് കോൺഗ്രസ് മുൻ ജില്ല പ്രസിഡന്റ്, 18 വർഷം ജില്ല കോൺഗ്രസ് കമ്മിറ്റി വൈസ് പ്രസിഡന്റ്, പൊന്നാനി പി.സി.സി സൊസൈറ്റി പ്രസിഡന്റ്, കരിപ്പൂർ എയർപോർട്ട് ഉപദേശക സമിതി അംഗം, സംസ്ഥാന കാർഷിക വികസന ബോർഡ് അംഗം, പൊന്നാനി മുനിസിപ്പൽ കൗൺസിലർ, ഡി.ഐ.സി ജില്ല പ്രസിഡന്റ്, പിന്നീട് എൻ.സി.പി ജില്ല പ്രസിഡന്റ് എന്നീ നിലകളിൽ പ്രവർത്തിച്ചു. വലിയ ജുമാഅത്ത് പള്ളി ജനറൽ സെക്രട്ടറിയും വലിയ ജാറം മുത്തവല്ലിയുമാണ്.
ഭാര്യ: സൈബുന്നിസ.മകൾ: നിഷാന. മരുമകൻ: സെയ്ദ് അഫ്സർ (കുവൈത്ത്).
സഹോദരങ്ങൾ: സൈദ് സൈനുൽ ആബിദ് തങ്ങൾ, ജാഫർ അലി തങ്ങൾ (അബൂദബി), അമീൻ തങ്ങൾ, ശരീഫ ബീവി, ഉമ്മുക്കുൽസു ബീവി, ഹൈറുന്നിസ ബീവി (കോഴിക്കോട്).
