കാസർകോട്: നഗരത്തിലെ പ്രമുഖ വ്യാപാരിയും എ.കെ ബ്രദേഴ്സ് മാനേജിങ് പാര്‍ട്ണറുമായ അടുക്കത്ത് ബയലിലെ എ.കെ. മുഹമ്മദ് അന്‍വര്‍ (65) ഹൃദയാഘാതംമൂലം നിര്യാതനായി. വ്യാഴാഴ്ച പുലര്‍ച്ചെ കാസര്‍കോട്ടെ സ്വകാര്യ ആശുപത്രിയിലായിരുന്നു മരണം. കാസര്‍കോട് പഴയ ബസ് സ്റ്റാൻഡ്, എയര്‍ലൈന്‍സ് ജങ്ഷന്‍, തായലങ്ങാടി എന്നിവിടങ്ങളിലെ എ.കെ ബ്രദേഴ്സ് സ്ഥാപനങ്ങളുടെ പാര്‍ട്ണറാണ്. പരേതരായ എ.കെ. അബ്ദുല്ല-സി.പി. താഹിറ ദമ്പതികളുടെ മകനാണ്. ഭാര്യ: ഷാഹിദ. മക്കള്‍: ഫര്‍ഹത്ത് (എൻജിനീയര്‍), അഹ്റാഫ് (ദുബൈ), ഫര്‍ഹീന്‍ (ചാര്‍ട്ടേഡ് അക്കൗണ്ടന്റ്, ബംഗളൂരു). മരുമക്കള്‍: ഷക്കീല്‍ (ചാര്‍ട്ടേഡ് അക്കൗണ്ടന്റ്), സാദിയ, അല്‍ഫാസ്. സഹോദരങ്ങള്‍: എ.കെ. മന്‍സൂര്‍, എ.കെ. റൗഫ്, എ.കെ. റസിയ, എ.കെ. ഫൗസിയ.
