കാഞ്ഞങ്ങാട്: തിരുവനന്തപുരം ശ്രീപത്മനാഭസ്വാമി ക്ഷേത്രത്തിലെ പെരിയ നമ്പിയായിരുന്ന പത്മനാഭൻ മരുതംപാടിത്തായർ (മരുതംപാടി നാരായണൻ പത്മനാഭൻ-64)നിര്യാതനായി. കാഞ്ഞങ്ങാട്ടെ താന്ത്രിക കുടുംബമായ പുല്ലൂർ വിഷ്ണുമംഗലം മരുതംപാടി ഇല്ലത്തെ അംഗമാണ്. ഏറ്റുമാനൂർ മഹാദേവ ക്ഷേത്രം, കുമാരനെല്ലൂർ ദേവീക്ഷേത്രം എന്നിവിടങ്ങളിൽ മേൽശാന്തിയായിരുന്നിട്ടുണ്ട്. 2008 മുതൽ 2009 വരെ പഞ്ചഗവ്യത്ത് നമ്പിയായും 2009 മുതൽ 2015 വരെ പെരിയ നമ്പിയായും സേവിച്ചു. പുല്ലൂർ-പെരിയ ഗ്രാമപഞ്ചായത്തിലെ മികച്ച കർഷകനുള്ള പുരസ്കാരം ലഭിച്ചിട്ടുണ്ട്. ഭാര്യ: ഉഷ പത്മനാഭൻ. മക്കൾ: കിഷോർ നാരായണൻ, പത്മകുമാർ. മരുമകൾ: കൃഷ്ണപ്രിയ. സഹോദരങ്ങൾ: കേശവൻ അഞ്ജനംതോടിത്തായർ, ശിവദാസ് മരുതംപാടിത്തായർ (തലശ്ശേരി തിരുവങ്ങാട് ശ്രീരാമസ്വാമി ക്ഷേത്രം മേൽശാന്തി), സത്യൻ മരുതംപാടിത്തായർ (പുല്ലൂർ വിഷ്ണുമംഗലം മഹാവിഷ്ണുക്ഷേത്രം മേൽശാന്തി), ശ്രീരാമൻ മരുതംപാടിത്തായർ (നീലേശ്വരം രാജാസ് ഹൈസ്കൂൾ അധ്യാപകൻ).
