എടക്കഴിയൂർ: മത്സ്യബന്ധനത്തിനിടെ മത്സ്യത്തൊഴിലാളി കുഴഞ്ഞുവീണ് മരിച്ചു. എടക്കഴിയൂർ കാജാകമ്പനിക്ക് പടിഞ്ഞാറ് ഭാഗം തയ്യിൽ കുഞ്ഞിമോൻ മകൻ നുറുദ്ദീൻ (59) ആണ് മരിച്ചത്. പുത്തൻ കടപ്പുറം സ്വദേശി ബുഹാരുവിന്റെ ഉടമസ്ഥതയിലുള്ള ഉള്ളാളം വള്ളത്തിൽവെച്ചാണ് സംഭവം. ശനിയാഴ്ച രാവിലെ 8.30ന് മത്സ്യബന്ധനത്തിനിടെ ദേഹാസ്വസ്ഥത അനുഭവപ്പെടുകയും ഉടനെ കുഴഞ്ഞുവീഴുകയുമായിരുന്നു. കരക്കടിപ്പിച്ച വള്ളത്തിൽനിന്നും ലൈഫ് കെയർ ആംബുലൻസ് സർവിസ് ഹയാത്ത് ഹോസ്പിറ്റലിൽ എത്തിച്ചെങ്കിലും മരണം സ്ഥിരീകരിച്ചു. ഭാര്യ: ഫാത്തിമ. മക്കൾ: റൗഫ്, റംഷീദ്, റാസിക്ക്, ഷെഫീക്ക്. മരുമക്കൾ: ഷാനിബ, ആമിത.
