കാസർകോട്: സാമൂഹിക, സാംസ്കാരിക, രാഷ്ട്രീയ പ്രവർത്തകനും മേൽപറമ്പ കടവത്ത് സ്വദേശിയും നെല്ലിക്കുന്ന് ബങ്കരക്കുന്ന് കുദൂരിൽ താമസക്കാരനുമായ ഉബൈദുല്ല കടവത്ത് (63) നിര്യാതനായി. എൻ.സി.പി ശരദ് പവാർ വിഭാഗം കാസർകോട് ബ്ലോക്ക് മുൻ പ്രസിഡന്റും നിലവിൽ ജില്ല നിർവാഹക സമിതി അംഗവുമാണ്. ജില്ല ജനകീയ നീതിവേദിയുടെയും നിരവധി സംഘടനകളുടെയും ഭാരവാഹിയാണ്. കടവത്തെ പരേതരായ അബ്ദുൽ റഹ്മാൻ-ബീഫാത്തിമ ദമ്പതികളുടെ മകനാണ്. പ്രവാസിയായിരുന്നു. പഴയ ബസ് സ്റ്റാൻഡിലെ ദർബാർ ഹോട്ടൽ ജീവനക്കാരനാണ്. ഭാര്യ: ഫരീദ. മക്കൾ: ഉനൈഫ് (ഇന്റീരിയൽ ഡിസൈനർ എൻജിനീയർ), അബ്ദുല്ല, അബൂബക്കർ സിദ്ദീഖ് (ഇരുവരും ദുബൈ). മരുമകൾ: ഷിഫാന. സഹോദരങ്ങൾ: സുബൈർ, ഫാറൂഖ്, മുനീർ, അക്ബർ,ഖദീജ, ഉമ്മു ഹലീമ, റഹ്മത്ത് ബീവി.
