മാവേലിക്കര: കാണാതായയാളിെൻറ മൃതദേഹം അച്ചൻകോവിലാറ്റിൽ കാണപ്പെട്ടു. കല്ലിമേൽ കളക്കാട്ട് പരേതരായ ഉണ്ണൂണ്ണിയുടെയും പെണ്ണമ്മയുടെയും മകൻ കെ.ഒ. ജോർജിനെയാണ് (ബെന്നി -57) അച്ചൻകോവിലാറ്റിൽ മരിച്ച നിലയിൽ കാണപ്പെട്ടത്. കൊല്ലകടവ് പാലത്തിന് പടിഞ്ഞാറ് പുത്തൻപാലത്ത് കടവിന് സമീപം ചൊവ്വാഴ്ച രാവിലെയാണ് മൃതദേഹം കണ്ടത്. ജോർജിെൻറ കൈ ഒടിഞ്ഞനിലയിലും ശരീരത്തിെൻറ മറ്റ് ഭാഗങ്ങളിൽ മുറിവുകളും ഉണ്ടായിരുന്നതായി നാട്ടുകാർ പറയുന്നു. ശനിയാഴ്ച വൈകീട്ട് ഇവിടെ നിയന്ത്രണം വിട്ട വാൻ അച്ചൻകോവിലാറ്റിലേക്ക് മറിഞ്ഞിരുന്നു. ഓടിയെത്തിയ നാട്ടുകാരാണ് വാൻ ഓടിച്ച യുവാവിനെ രക്ഷിച്ച് ആശുപത്രിയിലെത്തിച്ചത്. യുവാവ് സ്വകാര്യ ആശുപത്രിയിൽ ചികിത്സയിലാണ്. നിയന്ത്രണം വിട്ട വാൻ റോഡിലൂടെ ന‌ടന്നു പോകുകയായിരുന്ന ജോർജിനെ ഇടിച്ചു തെറിപ്പിച്ചതാണോയെന്ന് സംശയിക്കുന്നുണ്ട്. കോവിഡ് പരിശോധനഫലം വന്നശേഷം മൃതദേഹം പോസ്റ്റ്മോർട്ടം നടത്തിയാലേ മരണകാരണം വ്യക്തമാകൂവെന്ന് പൊലീസ് പറഞ്ഞു. ജോർജിെൻറ ഭാര്യ: മോളമ്മ. മക്കൾ: ബെറ്റി, ബിറ്റു.
