കണ്ണൂർ സെൻട്രൽ ജയിലിൽ താങ്ങാവുന്നതിലേറെ തടവുകാർ

ക​ണ്ണൂ​ർ: കൊ​ടും കു​റ്റ​വാ​ളി ഗോ​വി​ന്ദ​ച്ചാ​മി ജ​യി​ൽ ചാ​ടി​യ ക​ണ്ണൂ​ർ സെ​ൻ​ട്ര​ൽ ജ​യി​ലി​ൽ താ​ങ്ങാ​വു​ന്ന​തി​ലേ​റെ ത​ട​വു​കാ​ർ. 943 ത​ട​വു​കാ​രെ ഉ​ൾ​ക്കൊ​ള്ളാ​വു​ന്ന സൗ​ക​ര്യ​മാ​ണ് ക​ണ്ണൂ​ർ സെ​ൻ​ട്ര​ൽ ജ​യി​ലി​ലു​ള്ള​ത്. എ​ന്നാ​ൽ, നി​ല​വി​ലു​ള്ള​ത് 1200 ഓ​ളം പേ​രും. ആ​റ് ത​ട​വു​കാ​ർ​ക്ക് ഒ​രു വാ​ർ​ഡ​ൻ എ​ന്ന അ​നു​പാ​ത​മാ​ണ് ഇ​തു​വ​ഴി അ​ട്ടി​മ​റി​ക്ക​പ്പെ​ട്ട​ത്. ജീ​വ​ന​ക്കാ​രു​ടെ എ​ണ്ണ​ക്കു​റ​വും ത​ട​വു​കാ​രു​ടെ ആ​ധി​ക്യ​വു​മാ​യ​പ്പോ​ൾ ജ​യി​ൽ കാ​ര്യ​ങ്ങ​ളെ​ല്ലാം മു​റ​പോ​ലെ​യാ​യി. അ​തീ​വ സു​ര​ക്ഷ​യു​ള്ള പ​ത്താം ബ്ലോ​ക്കി​ൽ 66 സെ​ല്ലു​ക​ളാ​ണു​ള്ള​ത്. 66 പേ​രെ താ​മ​സി​​പ്പി​ക്കേ​ണ്ട ഇ​വി​ടെ നൂ​റി​ലേ​റെ പേ​രാ​ണ് ക​ഴി​യു​ന്ന​ത്. ജ​യി​ലി​ലെ സൗ​ക​ര്യ​ക്കു​റ​വ് പ​ല​ത​വ​ണ ആ​ഭ്യ​ന്ത​ര​വ​കു​പ്പി​നെ അ​റി​യി​ച്ചെ​ങ്കി​ലും പ​രി​ഹാ​രം നീ​ളു​ക​യാ​ണ്.

150 അ​സി. പ്രി​സ​ൺ ഓ​ഫി​സ​ർ​മാ​രാ​ണ് ക​ണ്ണൂ​ർ സെ​ൻ​ട്ര​ൽ ജ​യി​ലി​ൽ വേ​ണ്ട​ത്. നി​ല​വി​ലു​ള്ള​ത് 106 പേ​രാ​ണ്. ഇ​തി​ൽ 22 പേ​ർ പ​രി​ശീ​ല​ന​ത്തി​ലാ​ണ്. പു​തി​യ​ത് ഉ​ൾ​പ്പെ​ടെ എ​ട്ടു​പേ​ർ സ​സ്​​പെ​ൻ​ഷ​നി​ലും. 43 ഡെ​പ്യൂ​ട്ടി പ്രി​സ​ൺ ഓ​ഫി​സ​ർ വേ​ണ്ടി​ട​ത്തും ഒ​ഴി​വു​ക​ളേ​റെ. ജ​യി​ൽ ഉ​ട​മ​സ്ഥ​ത​യി​ലു​ള്ള പെ​ട്രോ​ൾ പ​മ്പ്, ബ്യൂ​ട്ടി പാ​ർ​ല​ർ, ച​പ്പാ​ത്തി നി​ർ​മാ​ണ യൂ​നി​റ്റ്, ഓ​ഫി​സ് എ​ന്നി​വി​ട​ങ്ങ​ളി​ലും ജീ​വ​ന​ക്കാ​രെ നി​യ​മി​ക്കു​മ്പോ​ൾ ഒ​രേ​സ​മ​യം 20-25 പേ​രാ​ണ് ജ​യി​ൽ ഡ്യൂ​ട്ടി​യി​ൽ വ​രു​ന്ന​ത്. 1200 ഓ​ളം ത​ട​വു​കാ​രെ കൈ​കാ​ര്യം ചെ​യ്യാ​ൻ ഇ​ത്ര​യും​പേ​ർ പോ​രെ​ന്ന് ജീ​വ​ന​ക്കാ​ർ ജ​യി​ൽ മേ​ധാ​വി​യെ അ​റി​യി​ച്ചി​ട്ടു​ണ്ട്. ജ​യി​ലി​ലെ 195 കാ​മ​റ​ക​ളി​ൽ പ​കു​തി​യി​ല​ധി​ക​വും പ്ര​വ​ർ​ത്ത​ന​ര​ഹി​ത​മാ​​ണ്. ജ​യി​ൽ​വ​ള​പ്പി​ൽ ഗോ​വി​ന്ദ​ച്ചാ​മി ഒ​ളി​ച്ചി​രു​ന്ന ചി​ല ഭാ​ഗ​ത്ത് വെ​ളി​ച്ച​വും കു​റ​വാ​ണ്.

താ​ൽ​ക്കാ​ലി​ക വാ​ർ​ഡ​ന്മാ​രാ​യി 20 വി​മു​ക്ത​ഭ​ട​ന്മാ​രു​ണ്ട്. അ​തീ​വ സു​ര​ക്ഷ ബ്ലോ​ക്കി​ന്റെ ഗേ​റ്റ് തു​റ​ന്നു​കൊ​ടു​ക്കാ​ൻ ഏ​ൽ​പി​ച്ച​ത് ത​ട​വു​കാ​രെ​യാ​ണ്. മു​ടി വെ​ട്ടു​ന്ന​തും ത​ട​വു​കാ​രാ​ണ്. അ​വ​രെ പേ​ടി​പ്പി​ച്ച് നി​ർ​ത്തി​യാ​ണ് ഗോ​വി​ന്ദ​ച്ചാ​മി താ​ടി വ​ള​ർ​ത്തി​യ​ത്. വി​വി​ധ ജോ​ലി​ക​ൾ ചെ​യ്യു​ന്ന ത​ട​വു​കാ​രു​ടെ മേ​ൽ​നോ​ട്ടം മാ​ത്ര​മാ​ണ് ജീ​വ​ന​ക്കാ​ർ​ക്കു​ള്ള​ത്.

മാ​ന​സി​ക പ്ര​ശ്ന​ത്തി​ന് മ​രു​ന്ന് ക​ഴി​ക്കു​ന്ന​വ​രാ​ണ് ഗോ​വി​ന്ദ​ച്ചാ​മി​യു​ടെ സെ​ല്ലി​ന് സ​മീ​പം ക​ഴി​ഞ്ഞി​രു​ന്ന​വ​ർ. മ​രു​ന്ന് ക​ഴി​ച്ച് രാ​ത്രി എ​ട്ടു​മ​ണി​ക്ക് കി​ട​ക്കു​ന്ന​തി​നാ​ൽ അ​ഴി​ക​ൾ മു​റി​ക്കു​ന്ന ശ​ബ്ദം ഇ​വ​ർ അ​റി​ഞ്ഞി​ല്ല. വെ​ള്ളി​യാ​ഴ്ച പു​ല​ർ​ച്ച 1.15ന് ​സെ​ല്ലി​ൽ​നി​ന്ന് പു​റ​ത്തി​റ​ങ്ങി​യി​ട്ടും ജ​യി​ൽ​വ​ള​പ്പി​ൽ ഒ​ളി​ച്ചി​രു​ന്നാ​ണ് ഗോ​വി​ന്ദ​ച്ചാ​മി പു​റ​ത്തേ​ക്ക് ചാ​ടാ​നു​ള്ള ഒ​രു​ക്കം ന​ട​ത്തി​യ​ത്. അ​ന്ന് സി.​സി.​ടി.​വി നി​രീ​ക്ഷ​ണ ചു​മ​ത​ല​യു​ള്ള ഉ​ദ്യോ​ഗ​സ്ഥ​രി​ൽ ഒ​രാ​ൾ മൂ​ന്ന് ത​ട​വു​കാ​രെ​യു​മാ​യി ക​ണ്ണൂ​ർ ജി​ല്ല ആ​ശു​പ​ത്രി​യി​ലേ​ക്ക് പോ​യ​തും ജ​യി​ൽ​ചാ​ട്ടം എ​ളു​പ്പ​മാ​ക്കി.